Apple kompaniyasining Meta Ray-Ban uslubidagi aqlli ko‘zoynaklari 2027-yilning ikkinchi choragida ishlab chiqarila boshlaydi. Bu haqda analitik Min Chi Kuo ma’lum qildi.
Ko‘zoynak yordamida foydalanuvchilar suratga tushishi, video yozib olishi va musiqa tinglashi mumkin bo‘ladi. Qurilma sensorli panellar hamda ovozli buyruqlar orqali boshqariladi.
Ko‘zoynaklar turli xil ramka va qoplamalarda taqdim etilishi kutilmoqda. Apple mashhur brendlar — masalan, Oakley yoki Ray-Ban bilan hamkorlik qilish masalasi hozircha noma’lum.
Insayderning ta’kidlashicha, qurilmaga reallik (AR) displeyi o‘rnatilmaydi. Meta kompaniyasi joriy yilning oxirigacha AR ekranli ko‘zoynaklar chiqarishi hisobga olinsa, Apple’ning yangi mahsuloti bozorga chiqishi bilanoq eskirgan qurilma sifatida qabul qilinishi mumkin.
Meta Ray-Ban ko‘zoynaklari uch xil ramka variantida, jumladan mashhur Wayfarer uslubida taqdim etiladi. Ular 12 megapikselli kamera, 1080p formatda video yozish imkoniyati, ikkita dinamik, beshta mikrofon hamda o‘ng dasta qismiga o‘rnatilgan sensorli panel bilan jihozlangan. Qurilma to‘rt soatgacha zaryadkasiz ishlay oladi, zaryadlovchi g‘ilof bilan esa ish vaqti 36 soatgacha uzayadi.
Mazkur modelning boshlang‘ich narxi 299 AQSh dollari bo‘lib, bir yil ichida oyida uning sotuvi ikki million donaga yetgan.
Izoh (0)