Quloqchinlari bilan tanilgan Gonkongning iKKO Audio kompaniyasi smartfon bozoriga kirib kelmoqda. Ularning ilk qurilmasi Mind One nomli smartfon bo‘lib, noodatiy dizayni bilan ajralib turadi: uning korpus o‘lchamlari atigi 86×72 mm, qalinligi esa 8,9 mm, ya’ni u ixcham va kvadrat shaklga ega.
Mind One’ning eng asosiy jihati yagona 50 megapikselli kamerasi bo‘lib, u 180 gradusga aylanadi. Unga Sony kompaniyasining CCD-sensori o‘rnatilgan. Bu turdagi sensorlar bundan yigirma yil avvalgi sovun qutichasini eslatadigan kameralarda qo‘llangan. Aynan shu texnologiya yordamida vintaj uslubidagi tasvirlar olinadi, deydi ishlab chiqaruvchi.
Smartfon sun’iy intellektli qurilma sifatida taqdim etilib, ikki xil rejimda ishlaydi:
- Oddiy rejimda u Android 15 operatsion tizimida;
- Yengillashtirilgan rejimda faqat aloqa funksiyalari va ChatGPT kabi sun’iy intellekt yordamchilari ishlaydi.
Shuningdek, Mind One quyidagi texnik xususiyatlarga ega:
- 4 dyuymli AMOLED displey;
- yon tomonidagi barmoq izi skaneri;
- USB Type-C;
- nano-SIM uchun slot;
- sayohatlar uchun mo‘ljallangan eSIM-karta, u 60 davlatda internetga ulanadi (Pro-versiyada bu xizmatlar oldindan to‘langan bo‘ladi).
Smartfonning boshlang‘ich narxi 299 dollar etib belgilangan. Kickstarter platformasida oldindan buyurtma berish iyul oyida boshlanadi, ilk yetkazib berish esa oktyabrga rejalashtirilgan.
Izoh (0)