Apple kompaniyasi iOS 26 operatsion tizimi orqali AirPods foydalanuvchilari uchun yangi qulaylikni taqdim etdi. Unga ko‘ra, quloqchinlar quvvati tugashiga yarim soat vaqt qolgan vaqtda iPhone foydalanuvchini ogohlantiradi.
Yangi funksiya orqali quvvat darajasi haqida xabarnomalar AirPods ishlatilayotgan paytda emas, balki futlyar ichida turgan holatida ham yuboriladi. Bu foydalanuvchining naushniklar quvvatsiz qolib ketishini oldindan bilib, kerakli chorani ko‘rishiga yordam beradi.
Apple tizimi foydalanuvchining kundalik odatlarini ham hisobga oladi. Masalan, agar iPhone tunda zaryadga ulangan bo‘lsa, u AirPods futlyarining ham zaryadga muhtojligini eslatadi. Zaryad to‘liq bo‘lgach esa uni tarmoqdan uzishni tavsiya qiladi.
Funksiya barcha AirPods modellari uchun mos keladi va iOS 26 yangilanishi bilan avtomatik tarzda faollashtiriladi. Uni xohlovchilar o‘chirib qo‘yishi ham mumkin, buning uchun: Sozlamalar → AirPods → Batareya bo‘limidan “Zaryadlash haqida bildirishnomalar” funksiyasini faolsizlantirish kifoya.
Izoh (0)