2025-yilgi Uimbldon turniri final bahsi yakuniga yetdi. Hal qiluvchi bellashuvda italiyalik Yannik Sinner va ispaniyalik Karlos Alkaras kortga chiqishdi. To‘rt set davom etgan murosasiz jangda dunyoning birinchi raqamli tennischisi hisoblangan Sinner 4:6, 6:4, 6:4, 6:4 hisobida zafar quchdi.
Uchrashuv 3 soat 5 daqiqa davom etdi. Bu ikki tennischi o‘rtasidagi 15-uchrashuv bo‘lib, Sinner umumiy hisobdagi farqni qisqartirishga erishdi — endi hisob 9:6, Alkaras foydasida.
Ta’kidlash joizki, Sinner finaldagi ilk setni boy bergan bo‘lsa-da, keyingi uch setda ketma-ket g‘alaba qozonib, Alkarasning 24 ta o‘yindan iborat mag‘lubiyatsiz seriyasiga barham berdi. Eslatib o‘tamiz, shu yilning o‘zida Karlos Alkaras “Rolan Garros” finalida aynan Sinnerni 3:2 hisobida mag‘lub etgan edi.
Shu tariqa, 23 yoshli Yannik Sinner Uimbldon turniridagi ilk g‘alabasini qo‘lga kiritdi. Bu uning “Katta dubulg‘a” (Grand Slam) seriyasidagi to‘rtinchi chempionligi bo‘ldi.
Izoh (0)