O‘zbekiston Superligasi 11-turi doirasidagi “Navbahor” — “Qo‘qon-1912” jamoalari o‘rtasidagi bahs yakunlandi. Qiziqarli va keskin kurash ostida o‘tgan bellashuvda namanganliklar yirik hisobda g‘alaba qozondi — 3:0.
Uchrashuvdagi hisob 21-daqiqada Igor Gabriel tomonidan ochilgan bo‘lsa, oradan ikki daqiqa o‘tib Abbos G‘ulomov tablodagi natijani 2:0 ko‘rinishiga keltirib qo‘ydi. Birinchi bo‘lim mazkur natija bilan yakunlandi.
Ikkinchi taym ham “Navbahor”ning ustunligi ostida boshlandi. 47-daqiqada Ruslanbek Jiyanov gol urib, hisobni yirik ko‘rinishga keltirib qo‘ydi.
68-daqiqada “Qo‘qon-1912” hisobni qisqartirishi mumkin edi, biroq Jasur Xolto‘rayev 11 metrlik jarima zarbasidan foydalana olmadi.
Mazkur natija uchrashuv oxiriga qadar o‘zgarmadi va “Navbahor” 11-turda o‘z hisobiga navbatdagi g‘alabani yozdirib qo‘ydi. 20 ochko to‘plagan Namangan klubi onlayn turnir jadvalida 3-o‘rinni egallab turibdi. “Qo‘qon-1912” esa 12 ochko bilan 11-o‘rinni band etgan.
O‘zbekiston Superligasi
11-tur
25-may, yakshanba
“Navbahor” — “Qo‘qon-1912” 3:0
Gollar: 1:0 — Igor Gabriel (21), 2:0 — Abbos G‘ulomov (23), 3:0 — Ruslanbek Jiyanov (47).
Izoh (0)