Serbiyalik tajribali raketka ustasi, 24 karra “Katta dubulg‘a” turnirlari chempioni Novak Jokovich UEFA Chempionlar Ligasining 2024/25-yilgi mavsumi finali haqida fikr bildirdi. U RMC Sport nashriga bergan intervyusida hal qiluvchi bahsda kimga muxlislik qilishi borasidagi savolga aniq javob berdi.
Unga ko‘ra, Jokovich “PSJ”ga muxlislik qilishi va buning sababi haqida to‘xtaldi:
Men Chempionlar Ligasi finalida “PSJ” yutishini istayman. Garchi “Inter”ga hurmatim baland bo‘lsa-da, men “Milan”ning ashaddiy muxlisiman, deydi Jokovich RMC Sport nashriga bergan intervyusida.
Ma’lumot uchun, Chempionlar Ligasi finalida “PSJ” va “Inter” jamoalari o‘zaro to‘qnash keladi. Hal qiluvchi bahs 31-may kuni Germaniyaning Myunxen shahrida bo‘lib o‘tadi.
Eslatib o‘tamiz, Jokovich ayni paytda Parijda o‘tayotgan “Rolan Garros” turnirida ishtirok etmoqda. Navbatdagi bosqichda u avstriyalik Filip Misolichga (ATP reytingida 153-o‘rin) qarshi kortga chiqadi.
Izoh (0)