Futbol bo‘yicha O‘zbekiston Superligasining 13-turidan o‘rin olgan uchrashuv 21-iyun, shanba kuni bo‘lib o‘tdi.
Namanganda “Navbahor” jamoasi Olmaliqning “OKMK”sini qabul qildi. Uchrashuv tezkor gol bilan boshlandi. Zabihillo O‘rinboyev hisobni 6-daqiqadayoq ochdi. 35-daqiqaga kelib esa Gilyerme Gedesh hisobni ikkitaga oshirdi. Olmaliqlarda birinchi bo‘limda vaziyatlar yetarlicha bo‘ldi, biroq ulardan unumli foydalana olmadi.
Ikkinchi bo‘lim ham qizg‘in o‘tdi. Ko‘plab vaziyatlar yaratildi. Uchinchi gol ham namanganliklar tomonidan urildi. 90+6-daqiqaga kelib Pesdro Avgusto gol urib, o‘yinga yakuniy nuqtani qo‘yib berdi.
Ushbu g‘alabadan so‘ng namanganliklar 23 ochko bilan 5-o‘rinni egallab turibdi. Olmaliqliklar esa 24 ochko bilan 3-pog‘onani egallab turibdi.
Izoh (0)