“Real Madrid” yarim himoyachisi Luka Modrich La Liga doirasidagi “Real Sosyedad”ga qarshi o‘yindan so‘ng (2:0) jamoa muxlislari bilan xayrlashdi.
Xorvatiyalik futbolchi o‘zi xohlamagan lahza qachondir kelishi mumkinligidan doim qo‘rqqanini aytdi:
Men hech qachon xohlamagan lahza keldi. Ammo bu juda uzoq va go‘zal sayohat edi. Klubga, prezidentga, barcha murabbiylarga hamda bu yillar davomida yonimda bo‘lgan jamoadoshlarimga samimiy minnatdorlik bildiraman. Sizlar doimo meni qo‘llab-quvvatlab keldingiz. Buning uchun chin yurakdan rahmat aytaman. Yakunlangani uchun yig‘lama, sodir bo‘lganidan quvon, deya Modrichning so‘zlarini keltiradi Marca.
39 yoshli futbolchi joriy mavsum barcha musobaqalar doirasidagi 56 ta o‘yinda maydonga tushib, o‘z hisobiga 4 ta gol va 9 ta golli uzatma yozdirib qo‘ygan. Modrich “Real Madrid” bilan Klublar o‘rtasidagi Jahon chempionatida qatnashadi va shundan keyin “qaymoqranglilar” safini tark etadi.
Izoh (0)