Yarim himoyachi Kevin de Bryuyne yaqinda “Manchester Siti”ni tark etishini rasman e’lon qildi. Shunday keyin u qaysi chempionatga o‘tishi borasidagi bahs-munozaralar paydo bo‘la boshladi. Sky Sport nashri ma’lumotlariga ko‘ra, 33 yoshli belgiyalik futbolchi “Napoli” bilan sharnoma imzolashni istamoqda.
Unga ko‘ra, De Bryuyne bunday muhim qarorni qabul qilishda oilasining fikriga e’tibor qaratgan. Uning rafiqasi yaqinda Neapolga tashrif buyurib, shahar hamda taklif etilgan shartlar bilan tanishib chiqqan va bu ularni qoniqtirgan. Oilasi bilan maslahatlashgach, futbolchi “Napoli” variantiga e’tibor qaratgan.
Insayder Matteo Morettoning yozishicha, “Napoli” 33 yoshli yarim himoyachiga uch yillik shartnoma taklif qiladi. Belgiyalik futbolchi dastlabki ikki mavsum davomida yiliga 6 million yevro maosh olsa, uchinchi yil bu ko‘rsatkich 5 million yevroga pasayadi.
Shunga qaramay, de Bryuyne bu borada yakuniy qarorni qabul qilmagan. Endilikda hammasi Neapol klubi prezidenti Aurelio De Laurentis qo‘lida qolmoqda. Agar u de Bryuyneni to‘liq ishontira olsa, belgiyalikning keyingi manzili A Seriya bo‘ladi.
Eslatib o‘tamiz, yarim himoyachi bungacha Germaniya Bundesligasi hamda Angliya Premyer Ligasida to‘p surgan.
Izoh (0)