Angliyaning “Manchester Yunayted” va “Vest Hem” klublari o‘rtasida bo‘lib o‘tgan o‘rtoqlik uchrashuvi rekord darajadagi tomoshabinlar soni bilan tarixda qoldi. ESPN nashrining xabar berishicha, Nyu-York yaqinidagi Ist-Razerford shahrida joylashgan “MetLife” stadionida o‘yinni 82 566 nafar muxlis bevosita stadiondan tomosha qilgan.
Bu ko‘rsatkich 2025-yil boshidan beri qayd etilgan eng yuqori natija bo‘lib, avvalgi rekordni ortda qoldirdi. Xususan, Klublar o‘rtasidagi Jahon chempionati finali doirasidagi “PSJ” va “Chelsi” jamoalari o‘rtasidagi bahsni 81 118 nafar tomoshabin kuzatgan edi.
Rekord darajadagi auditoriyani jalb etishda chipta narxining nisbatan arzonligi muhim omil bo‘ldi. Angliya Premyer Ligasi klublari o‘rtasidagi bu bahsga kirish narxi 77 dollardan boshlangandi. Klublar o‘rtasidagi Jahon chempionati finalida esa chiptalar kamida 200 dollardan sotuvga chiqarilgan edi.
Ma’lumot uchun, “Manchester Yunayted” – “Vest Hem” o‘yinida hisob 2:1 bo‘lib, “qizil iblislar” g‘alaba qozondi. Jamoa yarim himoyachisi Brunu Fernandesh dubl muallifiga aylangan bo‘lsa, “Vest Hem”ning yagona golini Jarrod Bouen kiritdi.
Izoh (0)