2024/25-yilgi mavsumda Ispaniya La Ligasida VAR (video yordamchi hakam) tizimi 189 ta holatga aralashgan. Bu ko‘rsatkich 2022/23-yilgi natijadan (179) 10 taga ko‘p. Bunga sabab sifatida hakamlarning qizil kartochkalar bo‘yicha ko‘p xatolarga yo‘l qo‘yishi va yarimavtomatik ofsayd texnologiyasi orqali millimetr aniqlikda gollar bekor qilingani ko‘rsatilgan.
VAR tizimi eng ko‘p penalti holatlariga aralashgan — jami 86 ta (yangi rekord). Shuningdek, 40 ta qizil kartochka holati bo‘yicha video takror yordamiga murojaat qilingan: ularning 29 tasida futbolchilar chetlatilgan, 13 tasida esa sariq kartochka qizilga aylantirilgan. Gollar bo‘yicha 62 ta holatda VAR aralashgan, ulardan 40 tasi ofsayd tufayli bekor qilingan.
VARdan eng ko‘p zarar ko‘rgan klublar:
• “Real Madrid” va “Alaves” — ularning har biri 16 martadan VAR aralashuvidan jabr ko‘rgan.
• Ayniqsa “Real Madrid”ning 8 ta goli VAR tomonidan bekor qilingan.
Eng ko‘p foyda ko‘rgan klub:
• “Barselona” — VAR 16 marta kataloniyaliklar foydasiga, 7 marta esa zarariga qaror chiqargan.
VAR orqali penalti ishlab olgan jamoalar:
• “Atletik Bilbao” — 7 ta,
• “Barselona” va “Osasuna” — 5 tadan,
• “Real Madrid” va “Atletiko Madrid” — 4 tadan.
VAR “Leganes”, “Las-Palmas” va “Sevilya” jamoalari foydasiga umuman penalti bermagan.
Ma’lumot uchun, 2024/25-yilgi mavsum Ispaniya chempionatida “Barselona” g‘oliblikni qo‘lga kiritdi.
Izoh (0)