FIFA rasmiy Instagram sahifasi orqali O‘zbekiston terma jamoasi va “Manchester Siti” himoyachisi Abduqodir Husanovni Klublar o‘rtasidagi Jahon chempionatidagi debyuti bilan tabriklab, o‘zbekistonlik futbolchi tarix yozishda davom etayotganini e‘tirof etdi.
Tashkilot o‘zining sahifasida Husanov musobaqada debyut qilgan ilk o‘zbekistonlik futbolchi ekanligini ta’kidladi.
Klublar o‘rtasidagi Jahon chempionatida o‘ynagan ilk o‘zbekistonlik futbolchi. Abduqodir Husanov tarix yozishda davom etmoqda, deyilgan xabarda.
Ma‘lumot uchun, “Manchester Siti” 2-tur doirasidagi “Al-Ayn”ga qarshi bahsda yirik 6:0 hisobida g‘alaba qozondi. O‘zbekistonlik himoyachi o‘yinni asosiy tarkibda boshlab, 61-daqiqada zaxiraga olindi.
“Shaharliklar”ning musobaqadagi keyingi uchrashuvi 27-iyun kuni “Yuventus”ga qarshi bo‘lib o‘tadi. Uchrashuv O‘zbekiston vaqti bilan 00:00 da boshlanadi.
Izoh (0)