Angliyaning “Manchester Yunayted” klubi Germaniyaning “Leyptsig” jamoasida to‘p surayotgan 22 yoshli hujumchi Benyamin Sheshkoni o‘z safiga qo‘shib olish uchun harakat boshladi. Bu haqda TEAMtalk nashri xabar bermoqda.
Manbaga ko‘ra, “qizil iblislar” Sloveniya terma jamoasi hujumchisi va uning vakillari bilan doimiy aloqada bo‘lib turibdi. Klub Sheshkoni sotib olish uchun bir nechta futbolchilarni, xususan vingerlar — Alexandro Garnacho va Markus Reshfordni transferga qo‘yishni rejalashtirmoqda.
O‘tgan mavsumda Benyamin Sheshko barcha musobaqalarda 45 ta o‘yinda maydonga tushib, 21 ta gol va 6 ta golli uzatma muallifiga aylangan. Uning “Leyptsig” bilan shartnomasi 2029-yilning yozigacha amal qiladi. Transfermarkt portali futbolchining qiymatini 70 million yevroga baholamoqda.
Izoh (0)