Rossiyaning “Akron” klubi o‘zbekistonlik futbolchi Sherzod Esonov bilan shartnoma bekor qilinganini e’lon qildi. Klub rasmiy saytida berilgan ma’lumotga ko‘ra, tomonlar o‘zaro kelishuv asosida hamkorlikni yakunlashga qaror qilgan.
Esonov 2024-yil iyul oyida Tolyatti klubi safiga qo‘shilgan edi. U bu vaqt ichida barcha musobaqalarda jami 16 uchrashuvda maydonga tushdi: ularning to‘qqiztasi Rossiya Premyer Ligasida, yettitasi esa Rossiya Kubogida bo‘ldi. Esanov ushbu o‘yinlarda bitta gol muallifiga aylandi.
Eslatib o‘tamiz, 22 yoshli futbolchi bungacha O‘zbekiston chempionatining bir qator klublarida to‘p surgan. Shuningdek, u O‘zbekistonning turli yoshdagi terma jamoalarida ham harakat qiladi. Transfermarkt portali ma’lumotiga ko‘ra, Sherzod Esonovning bozor qiymati 300 ming yevroga baholangan.
Ma’lumot uchun, agar Abbosbek Fayzullayev ham “SSKA”ni tark etsa, Rossiya Premyer Ligasida hech birorta o‘zbekistonlik qolmaydi.
Izoh (0)