“Barselona” matbuot xizmati Joan Gamper kubogining 60-yilligiga bag‘ishlangan uchrashuv sanasini e’lon qildi. Hansi-Diter Flik boshchiligidagi jamoa 10-avgust, yakshanba kuni Italiyaning “Komo” jamoasiga qarshi maydonga tushadi. Uchrashuv “Yoxan Kroyf” stadionida bo‘lib o‘tadi.
Dastlab o‘yin “Kamp Nou” stadionida o‘tkazilishi rejalashtirilgan edi. Biroq arenaning rekonstruksiya ishlari hali yakunlanmagani hamda zaruriy litsenziyalar olinmaganligi sababli bahs vaqtincha boshqa stadionga ko‘chirildi. Klub xabariga ko‘ra, “Kamp Nou”ning to‘liq ochilishi 2026-yil yoziga belgilangan.
Ma’lumot uchun, “Barselona” va “Komo” o‘rtasidagi uchrashuv 10-avgust kuni, O‘zbekiston vaqti bilan soat 00:00 da boshlanadi.
Eslatib o‘tamiz, o‘tgan yili Joan Gamper kubogi doirasida “Barselona” “Monako”ga qarshi bahs olib borib, 0:3 hisobida mag‘lub bo‘lgan edi.
Izoh (0)