Futbol bo‘yicha Jahon Chempionati 3-saralash bosqichi doirasida 10-tur o‘yinlari 10-iyun, seshanba kuni o‘tkazildi.
Unda O‘zbekiston milliy terma jamoasi Toshkentda Qatar MTJni qabul qildi. Uchrashuv mezbonlar ustunligi ostida o‘tdi.
Birinchi bo‘limning 28-daqiqasida Aziz Turg‘unboyev ajoyib zarbasi bilan to‘pni darvozaga kiritdi. Ikkinchi bo‘limda ham qator imkoniyatlar yuzaga keldi.
86-daqiqaga kelib esa o‘ziga uzatib berilgan to‘pni ajoyib tarzda to‘xtatgan Eldor Shomurodov gol urdi va hisobni ikkitaga oshirdi. 90+2-daqiqada zaxiradan maydonga tushgan Igor Sergeyev hisobni uchtaga oshirdi!
Shunday qilib, ushbu g‘alaba bilan O‘zbekiston MTJ guruhda 21 ochko to‘plagan holda mundialga ishonchli tarzda yo‘l oldi.
JCH—2026 saralashi
10-iyun, seshanba
O‘zbekiston — Qatar 3:0
Gollar: 1:0 - 28, Azizbek Turg‘unboyev, 2:0 - 86, Eldor Shomurodov, 3:0 - 90+2, Igor Sergeyev
Izoh (0)