O‘zbekiston o‘smirlar terma jamoasi sentyabr oyida Ispaniyada o‘quv-mashg‘ulot yig‘ini o‘tkazadi. U-17 Jahon chempionatiga tayyorgarlik vazifasini o‘tab beruvchi yig‘inda Islombek Ismoilov boshchiligidagi jamoa bir nechta uchrashuvlar o‘tkazadi. Bu haqda O‘zbekiston Futbol Assotsiatsiyasi matbuot xizmati xabar berdi.
Unga ko‘ra, O‘zbekiston U-17 jamoasi yig‘in doirasida xalqaro turnirda ishtirok etadi va 2025-yilgi U-17 Jahon chempionati ishtirokchilari — Angliya, Kanada hamda Marokash o‘smirlar terma jamoalariga qarshi maydonga tushadi.
3-sentyabr
Angliya — O‘zbekiston
6-sentyabr
Kanada — O‘zbekiston
9-sentyabr
Marokash — O‘zbekiston
Eslatib o‘tamiz, O‘zbekiston o‘smirlar terma jamoasi Jahon chempionatida Paragvay, Panama va Irlandiya vakillariga qarshi bahs olib boradi.
Ma’lumot uchun, O‘zbekiston U-17 terma jamoasi Saudiya Arabistoni maydonlarida o‘tgan Osiyo Kubogida chempionlikni qo‘lga kiritib, 2025-yilning 3–27-noyabr kunlari Qatarda bo‘lib o‘tadigan U-17 Jahon chempionati yo‘llanmasini qo‘lga kiritdi.
Izoh (0)