“Mendan qochyapsanmi, uka?” — Shomurodov Baxtiyor Zaynutdinovning transferiga munosabat bildirdi

O‘zbekiston terma jamoasi va “Istanbul Bashakshehir” klubi hujumchisi Eldor Shomurodov Qozog‘iston terma jamoasi yarim himoyachisi Baxtiyor Zaynutdinovning “Beshiktosh”dan Moskvaning “Dinamo” klubiga o‘tishiga munosabat bildirdi.

Shomurodov Zaynutdinovning Instagram sahifasidagi transfer haqida yozilgan xabar ostida quyidagicha izoh yozdi:

Mendan qochayapsanmi, uka?, — deya yozdi Shomurodov 

Eslatib o‘tamiz, Eldor Shomurodov va Baxtiyor Zaynutdinov avval Rossiyaning boshqa bir klubi — “Rostov” safida birga to‘p surgan. O‘sha paytda ushbu jamoaning bosh murabbiyi Valeriy Karpin edi. Hozirda esa Karpin Moskvaning “Dinamo” klubini boshqarmoqda.

Ma’lumot uchun, Zaynutdinov “Dinamo” bilan 2029-yilgacha mo‘ljallangan shartnoma imzolagan, kelishuvni yana bir mavsumga uzaytirilish imkoniyati mavjud. Shomurodov esa 10-iyul kuni Italiyaning “Roma” klubidan Turkiyaning “Istanbul Bashakshehir” klubiga 1 mavsumga ijaraga berildi.