“Barselona” hujumchisi Rafinya Dias “Oltin to‘p — 2025” mukofoti uchun nomzodlar ro‘yxatiga kiritilgach, bu boradagi fikrlari bilan o‘rtoqlashdi. Bu haqda “Sport.es” nashri xabar berdi.
Braziliyalik futbolchining ta’kidlashicha, sovrin uchun da’vogarlar safida bo‘lishning o‘zi katta yutuq hisoblanadi:
Faoliyatim davomida boshimdan o‘tgan barcha sinovlarni hisobga oladigan bo‘lsak, ro‘yxatda bo‘lish men uchun ulkan g‘alaba. Bu hayotimdagi eng muhim yutuqlardan biri hisoblanadi. Maqsadim — kechagidan ham, o‘tgan mavsumdagidan ham yaxshiroq bo‘lish. Buning uchun bor kuchimni sarflayman, — deya Rafinyaning so‘zlarini keltiradi “Sport.es”.
“Oltin to‘p – 2025” mukofoti uchun kurashayotganlar ro‘yxatiga “Barselona”ning to‘rt nafar futbolchisi — Lamin Yamal, Pedri Gonsales, Rafinya Dias va Robert Levandovski kiritilgan. Sovrin uchun asosiy da’vogar sifatida esa “PSJ” hujumchisi Usmon Dembele tilga olinmoqda. U o‘tgan mavsumda Fransiya chempionligi, kubogi va Superkubogini yutibgina qolmay, UEFA Chempionlar Ligasi g‘olibiga ham aylangan edi.
- O‘tgan mavsumda Rafinya barcha musobaqalar doirasida 57 ta o‘yinda ishtirok etib, o‘z hisobiga 34 ta gol va 25 ta golli yozdirib qo‘ydi.
- Uning “Barselona” bilan shartnomasi 2028-yil yozigacha amal qiladi.
- Transfermarkt portali futbolchining bozor qiymatini 90 million yevro deb baholagan.
Izoh (0)