Italiya A Seriyasi 38-turi doirasidagi “Torino” — “Roma” uchrashuvi yakuniga yetdi. Qiziqarli va keskin kurashlar ostida kechgan bellashuvda rimliklar 2:0 hisobida g‘alaba qozondi.
Uchrashuvdagi gollarga Leandro Paredes va Aleksis Salemakers mualliflik qildi. So‘nggi turda qo‘lga kiritilgan 3 ochko evaziga “Roma” Italiya chempionatida 5-o‘rinni qo‘lga kiritdi. Klaudio Ranyeri jamoasi 69 ochko to‘pladi.
O‘zbekistonlik futbolchi Eldor Shomurodov bahsni asosiy tarkibda boshlab, 72-daqiqada Stefan El-Sharavi bilan almashtirildi.
“Roma” Yevropa Chempionlar Ligasi yo‘llanmasiga ega chiqa olmadi. Chunki so‘nggi turda nafaqat rimliklar g‘alaba qozonishi kerak edi, balki “Yuventus” ham ochko yo‘qotishi talab etilardi. Lekin turinliklar “Venetsiya” maydonida qiyin g‘alabani qo‘lga kiritib, Italiya chempionati uchun ajratilgan 4-yo‘llanmaga ega chiqdi.
“Roma” esa keyingi mavsum Yevropa Ligasida ishtirok etadigan bo‘ldi.
A Seriya
38-tur
25-may, yakshanba
“Torino” — “Roma” 0:2
Gollar: 0:1 — Paredes (18), 0:2 — Salemakers (53).
Izoh (0)