Og‘ir vazn toifasida sobiq mutlaq jahon chempioni, afsonaviy amerikalik bokschi Mayk Tayson Qozog‘istonda jang o‘tkazishi mumkin. Bu haqda Kazinform xabar berdi.
Tashkilotchilar “Temir Mayk”ning raqibi sifatida Qozog‘istonga aralash jang san’ati (MMA) afsonasi Fyodor Yemelyanenkoni taklif qilishni rejalashtirmoqda.
Rejamizda Mayk Tayson va Fyodor Yemelyanenko o‘rtasidagi jangni tashkil etish bor. Bu borada ishlar boshlangan. Taysonni taklif qilmoqchi bo‘lgan turnirimiz dekabr oyiga rejalashtirilgan, dedi Alash Pride ligasi prezidenti Alimjon Bektayev.
Ma’lumot uchun, Alash Pride ligasi — Markaziy Osiyodagi eng yirik MMA (aralash jang san’ati) ligalaridan biri bo‘lib, 2018-yilda tashkil etilgan.
Eslatib o‘tamiz, Mayk Tayson professional faoliyati davomida 50 g‘alaba (shundan 44 tasi nokaut bilan) va 7 mag‘lubiyat qayd etgan. O‘tgan yili u sobiq mutlaq jahon chempioni sifatida Jeyk Polga qarshi ringga chiqib, hakamlarning yakdil qarori bilan imkoniyatni boy bergan edi.
Izoh (0)