Markaziy bank xorijiy valyutalarning o‘zbek so‘miga nisbatan 10-iyunda amalda bo‘ladigan qiymatini eʼlon qildi.
Unga ko‘ra:
- dollar 65,47so‘mga pastlab, 12 712,05 so‘m bo‘ldi;
- yevro 65,86 so‘mga tushib, 14 524,79 so‘m bo‘ldi;
- rubl 0,44 so‘mga pastlab, 161,10 so‘mni tashkil etdi.
Bundan avval dollar kursi 54,29 so‘mga pastlab, 12 777,52 so‘m bo‘lgandi.
May oyida milliy valyuta dollarga nisbatan 164,9 so‘mga yoki 1,28 foiz ga qimmatlab, 12 768,26 so‘mni tashkil qilgandi.
Markaziy bank 2025-yilning dastlabki to‘rt oyi yakuni bo‘yicha milliy valyuta kursining barqarorligiga izoh bergandi. “Birinchidan, [dollar] kursiga pul o‘tkazmalari oqimining ko‘payishi ta’sir qiladi. Ikkinchidan, bizga to‘g‘ridan-to‘g‘ri xorijiy investitsiyalar yaxshi kirib kelmoqda. Uchinchidan, birinchi chorakda import ilgarigi katta ta’sir ko‘rsatgan darajada o‘smadi. Shuningdek, oltinni hisobga olmaganda tovarlar eksporti ham oshdi”, deya tushuntirgan Markaziy bank rahbari o‘rinbosari Abror Mirzo Olimov.
Izoh (0)