Xitoyning Pekin shahrida o‘tkazilgan auksionda Labubu o‘yinchog‘ining noyob namunasi rekord darajadagi summaga sotildi, deb xabar berdi “Pravila jizni”. Balandligi 131 sm bo‘lgan yalpiz rangli labubu 150 ming dollar sotildi. Hozirda bunday rangli Labubu dunyodagi yagona nusxa hisoblanadi. Uning shakli polivinilxloriddan (PVX) tayyorlangan.
Bundan tashqari kimoshdi savdosida cheklangan miqdorda 15 nusxada chiqarilgan jigarrang Labubu ham bo‘lib u 114 ming dollarga sotilgan.
Auksionni zamonaviy sanʼat, xitoylik rassom va xattotlar asarlari, kulolchilik va zargarlik buyumlariga ixtisoslashgan Beijing Yongle International Auction tashkil etdi.
Labubu — bu katta ko‘zli va o‘tkir tishli g‘alati va ayni paytda maftunkor o‘yinchoq maxluqlardir. So‘nggi paytlarda ular fenomenga va har bir insonda bo‘lishi kerak bo‘lgan aksessuarga aylandi.
Labubu o‘yinchoq-breloklari rassom Kasing Lan tomonidan Xitoyning POP MART o‘yinchoq ishlab chiqaruvchisi bilan birgalikda 2015-yilda yaratilgan. 2024-yilda Blackpink guruhi aʼzosi Lisa Manoban, Dua Lipa va Rianna o‘yinchoqqa bo‘lgan muhabbatini tan olgandan so‘ng, yirtqich hayvonlarning mashhurligi osha boshladi. Muvaffaqiyat kaliti nafaqat mashhurlarning muxlislari, balki kutilmagan sovg‘alar qutisi formati ham bo‘ldi, deb hisoblaydi Forbes. Ko‘pincha o‘yinchoqni sotib oluvchi o‘ziga aynan qaysi o‘yinchoq tushishini bilmaydi va bu oddiy xaridni qimor o‘yiniga aylantiradi.
Izoh (0)