Britaniyaning Shark Trust xayriya tashkiloti har yili o‘tkaziladigan akula fotosuratlari tanlovining g‘oliblarini e’lon qildi. An’anaga ko‘ra, eng yaxshi ishlar 14-iyul — Akulalar haqida xabardorlik kuni munosabati bilan namoyish etiladi.
Bosh sovringa Bayron Konvey loyiq topildi. U Kuba sohillarida ipak akulalarni suratga olib, ularning suv ostidagi tabiiy harakatlarini muhrladi.
“Yil fotosuratchisi” unvoni esa Julian Hebeshtraytga nasib etdi. U leopard akulasi (zebra akulasi nomi bilan ham tanilgan) tasvirlangan suratni taqdim etdi. Bu yirtqichlar Hind va Tinch okeani tropik suvlari bag‘rida yashaydi.
“G‘olib bo‘lgan surat dastlab oddiydek ko‘rinadi, lekin unda shunday teranlik borki, qayta-qayta qaragingiz keladi. Akulaning oltin rangli gavdasi qora qoyalar va oppoq qum fonida, ayniqsa, yorqin aks etgan”, dedi hakamlar hay’ati a’zolaridan biri.
Quyida 2025-yilgi tanlovga yuborilgan boshqa ishlarni ham tomosha qilishingiz mumkin.
Izoh (0)