Telegram messenjeri kanallarga xabar yuborish funksiyasini joriy etdi. Bu haqda Telegram saytida e’lon qilingan yangilanish ma’lumotlarida aytilgan.
“Endi siz kanallarga shaxsiy xabarlar yuborishingiz, ularning egalari va administratorlari bilan bevosita muloqot qilishingiz mumkin. Kontent mualliflari o‘z shaxsiy ma’lumotlarini oshkor qilmasdan obunachilar bilan muloqot qilish uchun ushbu rejimni faollashtira oladi”, deyiladi xabarda.
Kanalga shaxsiy xabar yuborish uchun foydalanuvchilar quyi paneldagi xabar belgisini bosishlari kerak. Xabarlarni kanal sozlamalarida yoqish mumkin.
Obunachilarning xabarlari interfeys tizimida egasining shaxsiy chatlaridan alohida ko‘rsatiladi. Kanal mualliflari “suhbatlar sonini cheklash va ularni yanada mazmunli qilish” maqsadida har bir xabar uchun to‘lov belgilashlari mumkin.
Boshqa yangiliklar qatorida:
- mavzularni yorliqlar ko‘rinishida aks ettirish,
- ovozli xabarlarni qirqish,
- suratlarni yaxshilangan sifatda yuborish,
- iOS qurilmalarida media fayllarni tarixga yuborish imkoniyati.
Bundan tashqari, messenjer so‘rovnomadagi javoblar sonini 12 tagacha ko‘paytirdi. Shuningdek, foydalanuvchilar so‘rovnomalarni “Sevimli”ni tanlanganga qo‘sha oladilar.
8-mayda amalga oshirilgan yangilanish doirasida Telegram boshqa foydalanuvchilardan “yulduzlar” evaziga marketpleysda noyob sovg‘alarni sotib olish va sotish, bir vaqtning o‘zida bir nechta Stories joylashtirish, uzun videoyozuvlarni bir nechta hikoyalarga ajratish va boshqa imkoniyatlarni taqdim etdi.
7-mart kuni Telegram Android va iOS uchun yangilangan versiyasida pullik xabarlar funksiyasini ishga tushirdi. Chatlar, guruhlar va kanallardagi izohlar uchun pulli xabarlarni yoqish mumkin. Premium obuna egalari bunday xabarlarni faollashtira oladi.
Izoh (0)