Filippinning Sebu shahridagi savdo markazida Claw King (“Panja qiroli”) nomli dunyodagi eng katta o‘yinchoq avtomati o‘rnatildi, deb xabar bermoqda UPI agentligi.
Avtomatning uzunligi 17 fut (taxminan 5 metr), eni 8,12 fut (2,5 metr), balandligi esa 12 fut (deyarli 4 metr)ni tashkil qiladi. Ushbu qurilma joriy yil 21-iyul kuni Ginnesning rekordlar kitobiga rasman kiritildi. Ilgari ushbu rekord AQSHning Florida shtatida joylashgan Santa Claw avtomatiga tegishli edi.
“Claw King avtomatining qurilishi katta texnik va ijodiy ishlar natijasidir. Biz uni Sebu bilan baham ko‘rayotganimizdan xursandmiz va bu rekord aynan bizning mamlakatimizda qayd etilganidan faxrlanamiz!” deydi avtomat egalari.
Endilikda Claw King Sebuga kelgan sayyohlar uchun yangi diqqatga sazovor maskanga aylangan.
Izoh (0)