Amerika tarixida ko‘plab bahsli shaxslar bo‘lgan, ammo AQSHning hozirgi prezidentini ko‘pchilik mamlakatdagi barcha siyosatchilar orasida eng shov-shuvli shaxs deb hisoblayapti. Fuqarolar Donald Trampning uzluksiz tvitlarini, uning xotini va bir necha nikohdan tug‘ilgan farzandlari bilan munosabatlarini hamda boshqa g‘alati xatti-harakatlarini hayratlanib kuzatmoqda.
Tramp narsalarini stol o‘rtasiga qo‘yishni yaxshi ko‘radi
CNN telekanali videosida ko‘rsatilishicha, Tramp har safar uchrashuv paytida stolga o‘tirganida, stol o‘rtasiga biror narsani qo‘yadi. Bu parhez kola stakani yoki qandaydir taglik bo‘lishi mumkin, hatto istalgan narsa ishlatilishi mumkin. Normandiya orollari universiteti psixologiya professori Kevin Vulkan ta’kidlashicha, bu harakat prezidentga bevosita aloqador bo‘lmagan mavzularda gap ketganda xavotir, nazorat qilish ehtiyoji va zerikish hissini namoyon etadi. Internet foydalanuvchilari bu odatni ortiqcha joy egallashga intilish orqali ifodalanuvchi hukmronlik shakli sifatida baholashmoqda.
Donald yotog‘ida chizburger yeydi
Ma’lumki, prezident va birinchi xonim alohida yotoqxonalarda yotishni ma’qul ko‘radi. Buning sababini ular ish jadvallarining mos kelmasligi bilan izohlaydi. Ammo Donald hamma bilgan fastfudga bo‘lgan ishtiyoqini qondirish imkoniyatiga ega. Maykl Volf o‘zining “Alanga va g‘azab: Trampning Oq uyida” kitobida yozishicha, Tramp kechqurunlari televizor ko‘rib, to‘shakda yotgan holda chizburger yeyishni yoqtiradi.
Prezident fastfudni oddiy restoranlarga qaraganda “ishonchliroq” deb hisoblaydi
Aytgancha, prezidentning fastfudga bo‘lgan ishtiyoqini betakror ta’mi bilan emas, balki tozalik nuqtayi nazaridan izohlaydi. “Men juda ozoda odamman, deydi Tramp CNN telekanaliga. — Menga tozalik yoqadi, shuning uchun oziq-ovqatni qayerdan olishi noma’lum bo‘lgan joyga borganidan ko‘ra, fastfudga borgan ma’qul deb o‘ylayman”. Shu bilan birga, Donald pitssani har doim pichoq va sanchqi bilan yeyishni afzal ko‘radi, amerikaliklar esa buni g‘alati deb hisoblashadi.
U kuniga 12 shishagacha diet kola ichadi
Prezidentning yana bir zararli odati haqida New York Times nashrining Oq uy rahbari hayotidan bir kunni tasvirlagan reportaji orqali ma’lum bo‘ldi. Unda ta’kidlanishicha, Tramp ko‘p miqdorda — kuniga 12 shishagacha diet kola ichadi.
Tramp muhim hujjatlarni yirtib tashlashni yoqtiradi
Prezident arxivlari to‘g‘risidagi qonunga ko‘ra, Oq uy ish jarayonini hujjatlashtirish uchun barcha prezident yozuvlarini saqlashi shart. Biroq Donald hujjatlarni o‘qib bo‘lgach, ularni mayda-mayda qilib yirtib, so‘ng polga tashlash kabi eski odatidan voz kecha olmayapti. Bu juda muhim qog‘ozlarga ham taalluqli, shu bois xodimlar jamoasi uzoq vaqt davomida qog‘oz parchalarini xuddi boshqotirmadek yig‘ib chiqishga majbur bo‘ladi.
Prezident doimo stakanni ikki qo‘llab ushlaydi
Bu g‘alati odat o‘tgan yilning dekabr oyida tok-shou boshlovchilari va internet foydalanuvchilarining e’tiborini tortdi. Tramp yangi milliy xavfsizlik strategiyasini televideniyedagi chiqishi paytida e’lon qilayotganda, stakanni ikki qo‘llab ushladi. Bu holat kuzatuvchilarni uni go‘yo bolaga o‘xshatishga undadi.
Donald germofobiyadan aziyat chekadi
O‘zining aytishicha, qo‘llarini “iloji boricha tez-tez” yuvishga intiladi va liftdagi birinchi qavat tugmasini hech qachon o‘zi bosmaydi, chunki u yerda eng ko‘p mikroblar to‘planadi deb hisoblaydi. Bundan tashqari, New York Times xabar qilishicha, televizor pultiga ham faqat Oq uy egasi va texnik xizmat xodimlarigina tegishi mumkin.
Germofobiya yoki mizofobiya deb ham ataladigan bu holat mikroblar, ifloslik va yuqumli kasalliklardan haddan tashqari qo‘rqishdir. Germofobiyadan aziyat chekadiganlar kuchli xavotirga tushib, xavfli mikroorganizmlar bilan aloqaga kirishishi mumkin bo‘lgan vaziyatlardan o‘zlarini olib qochadi. Bu qo‘rquv ko‘pincha qo‘llarni hadeb yuvaverishda, jamoat joylariga borishdan qochishda va har qanday sharoitda ham tozalikka intilishda namoyon bo‘ladi.
Prezident yotoqxonasida uchta televizor bor
Chamasi, Trampga bitta televizor kamlik qilgan, shuning uchun yana ikkitasi qo‘shilgan. Ba’zi xabarlarga ko‘ra, Donald kechqurun soat oltida yotoqxonasida televizor ko‘radi, ovqatni to‘shakda yeydi va ba’zan telefon qo‘ng‘iroqlari qiladi. New York Times manbalari ma’lum qilishicha, Tramp kuniga kamida to‘rt soat televizor ko‘radi.
U uchun eng muhim xona — yuvinish xonasi
New York Times’ga ko‘ra, Trampda “hojatxonalarni, jumladan Oval kabinet yonida ta’mirlagan vannaxonani maqtanishni yaxshi ko‘radi”. Tramp Mauritsio Kattelanning “Amerika” deb nomlangan haykaliga qiziqish bildirmoqda. Bu haykal 18 karatli sof oltindan yasalgan to‘liq ishlaydigan hojatxonani ifodalaydi.
-BQ-nakeM.avif)
“Amerika” nomli installyatsiya ilk bor 2016-yilda Nyu Yorkdagi Solomon Guggenxaym muzeyida namoyish etilgan edi. 90 kilogrammdan ortiq og‘irlikdagi, 18 karat oltindan yasalgan unitaz Kattelanning hashamatparastlik va haddan tashqari iste’mol madaniyatiga nisbatan satirik fikr-mulohazasiga aylandi.
Tramp soch turmagiga mukkasidan ketgan
Amerika prezidentining g‘alati soch turmagi cheksiz memlar manbaiga aylandi. Biroq Trampning o‘zi orqaga taralgan sarg‘ish sochlariga nihoyatda jiddiy munosabatda. 2016-yildagi miting paytida siyosatchi ancha vaqt soch laki “ilgarigidek emas”ligidan nolidi. “Bugungi kunda soch lakini sepsangiz, u atigi 12 daqiqa ta’sir qiladi”, deya afsus chekdi u. Mish-mishlarga ko‘ra, Donald Vanity Fair jurnali uchun suratga tushish paytida soch turmagini buzmaslik uchun kashmir sviterini qaychi bilan kesishni so‘ragan ekan.
Prezident it boqmaydi
So‘nggi 130 yil ichida birinchi marta Oq uy rahbarining hatto bitta ham iti yo‘q. Bu holat ko‘pchilik amerikaliklarda hayrat uyg‘otmoqda.
U akulalarni yomon ko‘radi
2011-yilda bo‘lajak prezident haqida maqola e’lon qilindi. Unda aytilishicha, 2006-yilda Nevadada bo‘lib o‘tgan golf musobaqasida tadbirkor o‘z xonasida pijamada o‘tirib, Discovery kanalida “Akulalar haftaligi”ni tomosha qilgan ekan.
“U akulalardan qo‘rqadi, deb yozgan muxbir. O‘shanda Donald shunday degandi: ‘Men turli xayriya tashkilotlariga pul beraman, lekin akulalarga yordam beradigan tashkilotlarga hech qachon xayriya qilmayman. Umid qilamanki, barcha akulalar o‘lib ketadi’. U go‘yo ko‘rsatuvga berilib ketgandek edi. Xuddi jinni bo‘lib qolgandek. Bilaman, bu juda g‘alati”, degan muxbir.
Izoh (0)