Aalto universiteti va Bayreyt universiteti tadqiqotchilari inson terisi kabi yupqa, elastik va bir necha soatda o‘zini tiklash oladigan innovatsion gidrogelni ishlab chiqdi. Ushbu innovatsion material atigi to‘rt soat ichida 90% ga, 24 soat davomida esa to‘liq tiklana oladi. Bu esa yara va jarohatlar parvarishi, regenerativ tibbiyot va sun’iy teri texnologiyalari uchun yangi imkoniyatlarni taqdim etadi. Kashfiyot tibbiyot sohasida inqilobiy o‘zgarishlarga olib kelishi kutilmoqda.
Gidrogellar odatda kundalik mahsulotlarda: soch parvarish vositalaridan tortib, oziq-ovqatlargacha uchraydi, ammo inson terisining murakkab xossalarini takrorlash doimo chorasiz vazifa bo‘lib kelgan.
Inson terisi egiluvchan, mustahkam va o‘zini tiklash kabi ajoyib xususiyatlarga ega. Ilgari olimlar ana shunday elastik va shifobaxsh xususiyatlarni birlashtiradigan material yaratishga urinishgan. Nanovaraqalar bilan birlashtirilgan polimer materiallar ushbu muammoni hal etdi.
Kashfiyot 7-mart kuni Nature Materials jurnalida chop etilgan tadqiqotda e’lon qilindi. Mutaxassislar gidrogelni o‘ta yupqa, loysimon nanovaraqalar bilan boyitishdi. Oddiy gidrogellar yumshoq va elastik bo‘lsa-da, bu yangi material nanovaraqalar orasidagi zich joylashgan polimerlar bilan yaxlit tuzilma hosil qiladi. Bu gidrogelning mustahkamligini oshiradi va unga shikastdan keyin tiklanish imkonini beradi.
Izoh (0)