Hayotdagi aksariyat muammolarni hal qiladigan 20 ta odat

Har kuni hayotimizda kichik va katta muammolarga duch kelamiz. Ular hayotning turli bosqichlarida paydo bo‘ladi va ko‘pincha bir nechta sog‘liq, moliya, munosabatlar, ish, martaba hamda maqsadlar kabi bir nechta toifalarga bo‘linadi. Ammo hech qanday qiyinchilik shaxsiy o‘sishimizni to‘xtatmasligi kerak. Atrofdagi hamma narsa vayron bo‘lsa ham, o‘zgarishlarga moslashishni va oldinga intilishni o‘rganish muhim. Mana bunda sizga qanday odatlar yordam beradi?

1. Hech bo‘lmaganda oyiga bir marta muammolar ro‘yxatini tuzish. Bu oldimizda paydo bo‘lgan to‘siqlarni kuzatish va aylanib o‘tish yo‘llarini topishning eng yaxshi usulidir.
2. Muammolarning darajasiga qarab o‘rinlarga bo‘lish. Ularning har biri haqiqatan ham muhim va dolzarb emas, ba’zilari shunchaki shunday ko‘rinadi. Muammolarni muhimlik darajasi bo‘yicha yozing va ularni navbatma-navbat hal qilish uchun ro‘yxatdan foydalaning.
3. Fikrlashni mashq qilish. Muammolarni hal qilish aqlning barqarorligiga bog‘liq. Bugungi muammolar bizni ertangi qiyinchiliklarni yengishga tayyorlamoqda. Shuning uchun hayotiy fikrlash tarzini rivojlantirish muhimdir. Amerikalik yozuvchi Charlz Svindoll shunday degan edi: “Hayot 10 foiz sodir bo‘layotgan voqealardan va 90 foiz biz ularga qanday munosabatda bo‘lishimizdan iborat”.
4. Pulni tejamoq. Kelajak har doim noaniq bo‘ladi. Unga tayyorgarlik ko‘rishning eng yaxshi usuli — jamg‘arma qilish. Masalan, har oy o‘zingizga eslatmaslik uchun alohida bank kartasiga kichik summani avtomatik o‘tkazishni yoqing.
5. Kelajakda sizni eng kerakli mutaxassisga aylantiradigan ko‘nikmalarni rivojlantirish. Doimiy tarzda ilm o‘rganishni odatga aylantiring va har oy yangi ko‘nikmalarni egallashga harakat qiling. Uzoq vaqt eskirmaydigan va doimo talab qilinadigan kasblar eng yaxshisidir.

   

6. “Portfel” karyerasini qurish. Asosiy mashg‘ulotingizdan tashqari, “ish portfeli”ngiz qo‘shimcha ishlarni ham o‘z ichiga olsa va siz o‘z kasbiy tajribangizni turli yo‘llar bilan qo‘llasangiz, masalan, kichik tashqi loyihalarni olish, maslahat berish yoki ekspert sifatida maqolalar yozish orqali ko‘proq daromad olasiz.
7. Investitsiya qilish. Mutaxassis bilan maslahatlashing yoki o‘zingizni ko‘rsatishga yordam beradigan loyihalarga sarmoya kiriting. Bu kelajakda ko‘proq pul ishlash imkoniyatini ochadi.
8. Kasbiy jihatdan o‘sish mumkin bo‘lgan kamida ikkita sohani aniqlash. Yaxshilanishingizga yordam beradigan kitoblar, manbalar va odamlarni toping.
9. Ishdagi stresslarning oldini olish. Tez-tez tanaffus qiling, vazifalaringiz sonini kamaytiring, jadvalingizni keraksiz ishlardan xalos eting, bir vaqtning o‘zida bitta vazifa bilan shug‘ullaning, qisqa ishlar ro‘yxatini tuzing va bioritmlaringizni hisobga oling.
10. Dam olmoq. Tanamiz sutkasiga 24 soat ishlaydi. Shuning uchun har doim to‘yib uxlash, ruhiy va jismoniy jihatdan “qayta ishga tushish” uchun vaqt topish juda muhimdir. Bu salomatlik bilan bog‘liq muammolardan qochish, diqqatni jamlash va aqliy faoliyatni saqlashning eng yaxshi usullaridan biridir.

    

11. Faol bo‘ling. Stressdan xalos bo‘lish va fikrlash tiniqligini tiklash uchun har kuni 15 daqiqalik ochiq havoda sayrni jadvalingizga kiriting.
12. Tabiat qo‘ynida vaqt o‘tkazish. Bu energiya zaxiralarini tiklashga yordam beradi, diqqatni yaxshilaydi va kayfiyatni ko‘taradi.
13. Biror lahzada ishtirok etish. Hozirgi kunga jalb qilinganlik xavotir va tashvish hayotimizni egallashiga yo‘l qo‘ymaydi. Biz oqimda bo‘lganimizda, bu yerda va hozir nima bo‘layotganidan boshqa hech narsa ahamiyatga ega emas.
14. Qilayotgan har bir ishingiz uchun aniq tizimlar yaratish. Agar siz har kuni yozishni istasangiz, jadvaldan buning uchun eng yaxshi vaqtni toping va atrofdagi muhitni bu odatni qo‘llab-quvvatlaydigan tarzda o‘zgartiring, masalan, chiroyli daftar sotib oling.
15. Sport bilan muntazam shug‘ullanish. Mashg‘ulotlarni odatga aylantirish uchun ularni bir kunda, bir vaqtda o‘tkazing. Maxsus pleylist yarating va umuman olganda, har bir keyingi mashg‘ulotni intiqlik bilan kutish uchun jarayonni iloji boricha yoqimli qiling.
16. Hayotni mazmun bilan to‘ldirish. Oilangiz va ishingiz bilan bog‘liq bo‘lgan, o‘zingizni yaxshi his qilishingizga sabab bo‘ladigan barcha narsalarni yozing. Ro‘yxatdagi mashg‘ulotlarga imkon qadar ko‘proq vaqt ajrating.
17. Bir joyda qotib qolmaslik. Hayotdagi hamma muammolarni ham hal qilib bo‘lmaydi. Ba’zilari, masalan, ob-havo, iqtisodiyot, boshqa odamlarning so‘zlari va xatti-harakatlari bilan bog‘liq bo‘lganlari bizga bo‘ysunmaydi. Ular uchun qayg‘urmang. O‘z fikrlaringiz va odatlaringizga hamda nimani tuzatishingiz mumkinligiga e’tibor qarating.
18. Muammolarni hal qilishda xolislikni saqlash. Shunga o‘xshash vazifalar bilan bir xil yo‘l tutish kerak, deb o‘ylamaslik kerak. Ilgari ishlagan narsa endi ishlamasligi mumkin. O‘tmishda qolib ketishga yo‘l qo‘ymang. Dunyoqarashingizni doimiy ravishda yangilab boring va mavjud muammolarga yangi yechimlar topish uchun muqobil yondashuvlarni izlashga odatlaning.

    

19. Hayotingiz uchun mas’uliyatni o‘z zimmangizga olish. Muammolar, to‘siqlar va muvaffaqiyatsizliklar hali dunyoning oxiri emas. Ular bilan qanday muomala qilishimiz ular bilan qanchalik tez-tez uchrashimizdan ko‘ra ko‘proq narsani anglatadi.
20. O‘sish nuqtalarini topish. Har qanday muammo rivojlanish imkoniyatini o‘z ichiga oladi. Hayotning eng katta qiyinchiliklarini yengib o‘tish va keyingi sinovga tayyor bo‘lish uchun undan foydalaning.