Energetiklarning yorqin idishlari zamonaviy yoshlar hayotining ajralmas atributiga aylandi. Imtihonlardagi talabalar, geymerlar, musobaqalarga tayyorlanayotgan sportchilar — ko‘pchilik bu ichimliklarni tetiklashishning zararsiz usuli sifatida qabul qiladi. Ammo energiyaning “beminnat manbai” ortida sog‘liqqa jiddiy zarba yashiringan.
Energetiklar tarkibida kofein, glyukoza, L-karnitin, taurin va B guruh vitaminlari mavjud bo‘lib, ular vaqtinchalik aqliy va jismoniy faoliyatni rag‘batlantiradi, ammo, shu bilan birga, yurak-qon tomir tizimiga jiddiy ta’sir ko‘rsatadi.
Ushbu ichimliklar yurak urishini tezalashtirib, qon bosimini oshiradi, shuningdek, yurak ritmining buzilishiga olib kelishi mumkin, deb hisoblaydi shifokorlar.
Energetiklar o‘smirlar uchun, ayniqsa, xavflidir. Kofein uyquni buzadi, bu to‘liq dam olishga muhtoj bo‘lib o‘sayotgan organizm uchun juda muhimdir. Bundan tashqari, yurakka yuklamaning ortishi miokard ishemiyasi va hatto infarkt xavfini oshiradi.
Shifokorlarning ta’kidlashlaricha, bunday ichimliklarni tez-tez iste’mol qilish salomatlikka salbiy ta’sir ko‘rsatadi va yurak-qon tomir tizimi uchun jiddiy oqibatlarga olib kelishi mumkin.
Izoh (0)