So‘nggi o‘n yilliklarda milliarderlarning boyligi misli ko‘rilmagan darajada oshdi. 2005-yilda Microsoft asoschilaridan biri Bill Geyts 46,5 milliard dollar boyligi bilan dunyodagi eng boy odam hisoblangan. Endi bu unvon Tesla rahbari Ilon Maskka tegishli. Maskning bugungi boyligi taxminan 368 milliard dollarni tashkil etadi.
GoBankingRates nashri Mask o‘z boyligini hammaga ulashsa, nima bo‘lishini taxmin qildi.
AQSH Aholini ro‘yxatga olish byurosi maʼlumotlariga ko‘ra, AQSH aholisi taxminan 341 million kishini tashkil etadi — bu ko‘rsatkich bo‘yicha AQSH faqat Hindiston va Xitoydan ortda qolmoqda.
Agar Maskning 368 milliardlik boyligi AQSHning barcha aholisi o‘rtasida teng taqsimlanganida, har bir kishi taxminan 1079 dollardan olgan bo‘lardi.
Agar bu Yer yuzidagi har bir insonga taalluqli bo‘lsa, sayyoramiz aholisi 8 milliarddan sal ko‘proqni tashkil etadi, har bir kishi atigi 46 dollardan olgan bo‘lardi.
Astronomik miqdorlarga qaramay, milliarderlar boyligining katta qismi aksiyalar, ko‘chmas mulk va boshqa aktivlardan iborat. Faqat kichik ulush naqd pul ko‘rinishida saqlanadi.
Mask Tesla aksiyalarining 12 foiziga egalik qiladi va hali ham kompaniyaning 1,15 trillion dollarlik eng yirik aksiyadori bo‘lib qolmoqda. Shuningdek, u boshqa aktivlarni hisobga olmaganda, SpaceX kompaniyasining 42 foiziga va xAI startapining 54 foiziga egalik qiladi.
Izoh (0)