Xitoyning Chjetszyan provinsiyasida yashovchi erkak Xiaomi SU7 Max elektromobilini xarid qildi, ammo undan foydalanish vaqtida noodatiy muammoga duch keldi.
Har gal erkak avtomobilni haydaganda unga o‘rnatilgan charchoqni aniqlovchi sun’iy intellekt tizimi ishga tushadi. Sistema uning ko‘zlarini har safar yumuq deb noto‘g‘ri baholab, xavf-xatar signalini yoqadi.
Natijada avtomobil doimiy tarzda haydovchi uxlab qolayotganini “o‘ylab”, tezlikni avtomatik ravishda kamaytiradi. Erkakning so‘zlariga ko‘ra, bu hodisa ko‘zlarining tabiatan juda qisiq shaklga ega ekanligi sababli bo‘lib, avtomobilni normal boshqarish imkonini bermayapti.
Xiaomi kompaniyasi hozircha mazkur muammoning yechimini topa olmagan. Mahalliy OAVning yozishicha, sun’iy intellekt tizimlarining insonlarning irqi yoki individual tashqi ko‘rinishiga moslashmagani sababli ana shunday noqulay vaziyatlar yuzaga kelmoqda.
Izoh (0)