Ijtimoiy tarmoqlarda kulgili, shu bilan birga, noodatiy videolar keng tarqaldi. Niderlandiyaning Drente provinsiyasidagi Emmen shahrida joylashgan Wildlands Adventure Zoo hayvonot bog‘ida maymunlar bir ayolning telefonini o‘g‘irlab, o‘zlarini videoga olishdi.
32 yoshli Shahra Baxlul telefonini hayvonot bog‘idagi makakalar saqlanadigan joyga tasodifan tushirib yuborgan, ayolni ortidan kimdir turtib yuborgan edi. Shahra bu holat haqida hayvonot bog‘i xodimlariga xabar bergan, ular esa telefonni keyinroq qaytarib berishni va’da qilgan.
Ertasi kuni Baxlul hayvonot bog‘iga qaytib borib, smartfonini olib ketgan. Qurilma loyga botgan edi. Ayol uni yoqqan zahoti bulutli saqlash tizimiga bir nechta fayl yuklana boshlagan. Ma’lum bo‘lishicha, makakalar telefonni olib, video va selfilarga tushishgan. Maymunlar tomonidan olingan videoda ularning qiziqib kameraga qaragani va telefonni bir joydan ikkinchi joyga olishgani aks etgan.
Baxlul ushbu videoni ijtimoiy tarmoqdagi sahifasida e’lon qildi. Hayvonot bog‘i xodimlaridan biri ham videoga izoh qoldirib, smartfonning sinmagani omadli bo‘lganini qayd etdi.
Izoh (0)