Amerikalik Eshli Mur va uning eri Mayk oilaviy arxivda umumiy bolalikdagi fotosuratini topib hayron bo‘lishdi. Bungacha ular o‘rta maktabda tanishganmiz, deb o‘ylashardi. Er-xotinning hikoyasini Whatʼs The Jam nashri chop etdi.
Eshli va Mayk birinchi marta 13 yoshda tanishishgan. Keyinchalik o‘smirlarning yo‘llari ayro tushgan va Mayk 2018-yilda ijtimoiy tarmoqlarda Eshli bilan bog‘lanmaguncha aloqalar uzilgan edi. Ko‘p o‘tmay, juftlik turmush qurishga qaror qilishdi.
Yetti yil o‘tgach, er-xotin qizning ota-onasi uyidan Eshlining bolalar bog‘chasidagi fotosuratini topib olishdi. Unda Mayk ham bor edi. “Biz bolaligimizdanoq bir-birimizning hayotimizning bir qismi bo‘lganimizni bilish juda yoqimli edi”, dedi qiz ijtimoiy tarmoqlarda. U, shuningdek, yaqinlarining bu yangilikka bo‘lgan munosabati haqida gapirdi: “Bizning oilamiz va do‘stlarimiz birga bo‘lganimizdan xursand bo‘lishdi va bizni bir-birimizning bolalikdagi sevgimiz deb atashdi”.
Izoh (0)