Xitoyda Long familiyali 82 yoshli erkak mushugiga g‘amxo‘rlik qilish sharti bilan o‘zining barcha merosini notanish odamga qoldirishga tayyor. Bu haqda South China Morning Post xabar berdi.
Longning farzandlari yo‘q, rafiqasi esa 10 yil oldin vafot etgan. Yomg‘irli kunlarning birida u uchta bolali mushukka duch keldi va ularga yordam berishga qaror qildi. Mushukka Syanbu deb laqab qo‘ydi va o‘z uyidan joy berdi.
Bir payt Long vafotidan keyin mushugiga kimg‘amxo‘rlik qilishini o‘ylab qoldi va o‘ziga vasiy qidira boshladi.
Erkakning aytishicha, u mushugiga “yaxshi g‘amxo‘rlik qilishga” tayyor bo‘lgan har qanday kishiga o‘zining barcha merosini, shu jumladan kvartirasini va jamg‘armalarini berishga tayyor.
Syanbuga g‘amxo‘rlik qilish bo‘yicha shartnoma shartlari oshkor etilmagan. Nashrning qayd etishicha, Long haligacha o‘ziga munosib odamni topa olmagan.
Ijtimoiy tarmoqlarda bu yangilik qizg‘in muhokama qilinmoqda. “Yo unga mushuklarni yaxshi ko‘radiganlar uchramadi, yoki cholning shartlari juda qattiq”, deb yozadi foydalanuvchilardan biri.
“Chol o‘z mulkini berishga tayyor bo‘lishi mumkin, ammo bu taklifni qabul qilgan kishi uning qarindosh-urug‘lari tomonidan sud da’volariga duch kelishi mumkin. Ular merosga bo‘lgan huquqlarini da’vo qilishlari ehtimoli bor”, deydi yana bir internet foydalanuvchisi.
Ijtimoiy tarmoq foydalanuvchilarining bir qismi esa, mushukka pulsiz ham g‘amxo‘rlik qilishlarini ta’kidladi.
Izoh (0)