So‘nggi yillarda xorijdan uy sotib olayotgan o‘zbek mashhurlari soni ortmoqda. Ular orasida san’atkor, bloger, va aktrisalar ham bor. Ayniqsa, Birlashgan Arab Amirliklari va Turkiya kabi mamlakatlar o‘zbek mashhurlari uchun sevimli manzilga aylangan. Bu holat ularning xalqaro faoliyatining kengaygani, moliyaviy erkinligi va qulay shart-sharoitlar bilan izohlanadi. Quyida xorijdan uy sotib olgan mashhur shaxslar haqida batafsil ma’lumot beramiz.
Shahzoda Muhammedova — Dubay
O‘zbek kinosining yorqin yulduzlaridan biri bo‘lgan Shahzoda Muhammedova Dubaydan uy sotib olganini rasman e’lon qilgan. Uyning interyeri, dizayni va joylashuvi Shahzodaning nafis didini yaqqol aks ettiradi.
Hosila Rahimova — Turkiya
Estrada xonandasi Hosila Rahimova Turkiyaning kurort shahri Antaliyadan uy xarid qilgan. Ushbu shahar tinch hayot tarzi, qulay iqlimi va Yevropa standartlariga mos infratuzilmasi bilan mashhur.
Yulduz Turdiyeva — Dubay
Taniqli xonanda Yulduz Turdiyeva ham Dubaydan uy sotib olgan. Xonanda bu haqida ijtimoiy tarmoqda video joylagan. Uyning joylashuvi, ko‘rkam interyeri va qulayliklari san’atkorning farovon hayot sari intilayotganidan darak beradi.
Men xursandligimdan shu yangilikni sizlar bilan bo‘lishgim keldi. Mehnatning tagi rohat deb bejizga aytishmagan. Yulduzxon, charchab qolmaysizmi? Siz ham dam oling, oilangizga vaqt ajrating deb yozadigan muxlislarim juda ham ko‘p edi. Boringizga shukur. Dubay shahridan uy olishni anchadan buyon niyat qilib yurardim. Bu 10 yildan oshiq mehnat natijasi. Barchangizga mana shunday yaxshi uylar, yaxshi kunlar nasib qilishini xohlayman, deydi Yulduz Turdiyeva.
Botir Qodirov — Dubay
Yana bir mashhur xonanda — Botir Qodirov ham Dubayda uy xarid qilganini ommaga ma’lum qilgan. Bu esa Dubay o‘zbek mashhurlari orasida nechog‘lik mashhur joyga aylanganini ko‘rsatadi. San’atkorning bu qarorni ijodiy imkoniyatlar va oilasi uchun qulaylik yaratish maqsadida qabul qilgan.
“Chechenka” — Dubayda uch xonali kvartira egasi
Mashhur bloger “Chechenka” (Gulzoda Abdullayeva) 2024-yilda Dubaydan uch xonali zamonaviy kvartira xarid qilgan edi. Uning kvartirasi shahar markazida, hashamatli turar joy majmuasida joylashgan.
Yil mo‘jizalarga boy bo‘ldi, desam mubolag‘a bo‘lmaydi. Maslahatim — orzu qilishdan hech qachon charchamang, faqat harakatni ham unutib qo‘ymang, deydi bloger.
Izoh (0)