Aktyor va rejissyor Robert De Niro tufayli Martin Skorseze TikTok’dagi “Xayrli tun” nomli trendda o‘zi bilmagan holda ishtirok etdi. Trend mohiyati shundan iboratki, erkaklar kechqurun do‘stlariga to‘satdan qo‘ng‘iroq qilib, ularga xayrli tun tilashadi. Bu holat odatda kutilmagan va noodatiy bo‘lgani uchun trend ishtirokchilarini hayratda qoldiradi va do‘stlar bunday mehribonchilikdan ba’zan uyalib qoladi.
“Men senga shunchaki xayrli tun va shirin tushlar tilash uchun qo‘ng‘iroq qildim!” deydi De Niro Skorsezega va undan videoqo‘ng‘iroq qilishni so‘raydi. Videoda u hozirda avstraliyalik bolalar uchun mo‘ljallangan “The Wiggles” serialini tomosha qilayotganini aytadi.
“Ko‘rishguncha, yaxshi dam ol, azizim!” deydi De Niro. Skorseze bu hazilga sherik bo‘lishga qaror qiladi:
“Rahmat, sevgilim,” deydi javoban kulib.
Aktyorni ushbu trendda ishtirok etishiga Tribeca kinofestivali vakillari taklif qilgan. Bu Robert De Niro va Martin Skorsezening “Kazino” filmiga 30 yil to‘lishi munosabati bilan tashkil etildi.
“Xayrli tun” trendi Ed Shiran, Lyuis Kapaldi kabi qo‘shiqchilar va mashhur TikTok foydalanuvchilari tomonidan ham takrorlangan.
Izoh (0)