1-iyun kuni Netflix “Kalmar o‘yini” uchinchi mavsumining birinchi to‘liq treylerini namoyish etdi. Uchinchi va oxirgi mavsumning bosh qahramoni 456-o‘yinchi Son Gi Xun halokatli o‘yinga chek qo‘yish uchun sinovlarni davom ettiradi. Yangi mavsum premyerasi 27-iyun kuni bo‘lib o‘tadi.
“Kalmar o‘yini” rejissyori va ssenariy muallifi Xvan Don Xek Xvan tomoshabinlarga uchinchi mavsum ikkinchisidan ham yaxshiroq bo‘lishini vaʼda qilgan edi.
“Kalmar o‘yini”ning ikkinchi mavsumi 2024-yil 26-dekabrda efirga uzatildi. U uchinchisi bilan bir vaqtda suratga olindi, bu esa mavsumlar orasidagi intervalni sezilarli darajada qisqartirish imkonini berdi. Shouning davomi sifatida Gi Hun g‘alabadan uch yil o‘tib o‘yinga qaytdi. Bu safar u boshqa o‘yinchilarning hayotini saqlab qolmoqchi, ammo hammasi u o‘ylagandek oson emas. Mavsumning so‘nggi epizodi titrlardan keyingi kulminatsion nuqta va taʼsirli sahna bilan yakunlanadi.
Ikkinchi fasl Rotten Tomatoesʼda (Film va seriallarga sharhlar agregatori. U turli nashrlardan sharhlar, shuningdek, filmlar va kino yangiliklari haqida maʼlumot to‘playdi) 83% tanqidchilar va 63% tomoshabinlar tomonidan maʼqullandi. Chiqarilganidan keyin 11 kun ichida serialning davomi 126,2 million marta ko‘rildi — bunday natijaga qisqa vaqt ichida hali hech bir Netflix seriali erisha olmagan edi.
Izoh (0)