Rejissyor Piter Jeksonning afsonaviy trilogiyasi birinchi qismi namoyish etilganiga yigirma yildan ortiq vaqt o‘tdi. Film dunyo bo‘ylab millionlab tomoshabinlarning qalbini zabt etdi va bosh rollarni ijro etgan aktyorlarga katta muvaffaqiyat keltirdi. Ammo oradan yillar o‘tib, ular qanday ko‘rinishda? Hozirda nimalar bilan band? Quyida shu haqda batafsil ma’lumot beramiz.
Frodo — Elayja Vud
Frodo Beggins obrazidan so‘ng aktyor Elayja Vud erishilgan yutuqlarga berilib ketmadi. U faoliyatini davom ettirib, noodatiy va original loyihalarni tanladi — “Beg‘ubor ongning abadiy porlashi”, “Gunohlar shahri” kabi filmlar, shuningdek, animatsion loyihalarda turli qahramonlarga ovoz berdi.
Shu bilan birga, Elayja prodyuser sifatida ham o‘zini sinab ko‘rdi: u “SpectreVision” nomli kino kompaniyasiga asos solib, triller va dahshatli janrdagi filmlarni ishlab chiqardi. Shunga qaramay, Frodo obrazi uning eng taniqli roli bo‘lib qoldi.
Shaxsiy hayotini esa aktyor ko‘proq sir tutishni afzal ko‘radi. U daniyalik aktrisa Mette-Mari Kongsved bilan turmush qurgan. Ular 2016-yilda “Bu dunyoda endi o‘zimni uydagidek his qilmayman” nomli trillerni suratga olish maydonida tanishgan. Juftlik ikki farzandni tarbiyalamoqda.
Sem — Shon Estin
Samuayz Gemji aslida uzukni Halokat tog‘iga olib borgan asosiy qahramon edi. Shon Estin o‘zining samimiy ijrosi bilan ushbu ikkinchi darajali qahramon butun trilogiyada ahamiyatli bo‘ldi. Sem obrazi haqiqiy do‘stlik timsoliga aylandi.
Shon Estinning keyingi yillardagi mashhur roli — “Begona buyumlar” (Stranger Things) serialidagi Bob Nyubi obrazi bo‘ldi. U yerda ham aktyor o‘ziga xos mehribon va fidokor qahramonni gavdalantirgan. Shuningdek, aktyor xayriya bilan ham shug‘ullanadi.
Merri — Dominik Monaxen
Trilogiyadan so‘ng Dominik Monaxen “G‘aroyib odamlar: Ibtido. Rosomaxa” filmida va yana bir nechta yirik loyihalarda ishtirok etdi. Biroq uning karyerasidagi eng muhim burilish mashhur “Yo‘qolganlar” serialidagi Charli Peys roli bo‘ldi.
Suratga olish ishlari tugagach, Monagan butunlay yangi sohada o‘zini topdi — u tabiatshunos, tadqiqotchi va teleboshlovchiga aylandi. “Dominik Monagan va eng yovvoyi jonzotlar” nomli shousi aktyorning tabiatga bo‘lgan muhabbatini aks ettiradi. Monagan uyida ekzotik hayvonlar boqadi va hatto Hindistonda joylashgan o‘rmonga egalik qiladi.
Pippin — Billi Boyd
Shotlandiyalik aktyor trilogiyadan so‘ng Gollivudda faoliyatini davom ettirishga shoshmadi, biroq u o‘zining musiqa sohasidagi iste’dodini namoyon etdi. “Hobbit: besh lashkar jangi” filmi uchun yozgan va kuylagan “The Last Goodbye” qo‘shig‘i muxlislar tomonidan iliq kutib olindi.
Billi Boyd Beecake nomli guruh bilan gastrol safarlariga boradi, teatrda ishlaydi va yangi kuylar yaratadi. U balerina Ali MakKinnon bilan turmush qurgan, juftlik Jek ismli o‘g‘ilni voyaga yetkazmoqda. Boyd xayriya tadbirlarida ham faol ishtirok etmoqda.
Gendalf — Ien MakKellen
Ian MakKellen tomonidan yaratilgan sehrgar Gendalf obrazi dunyodagi eng taniqli obrazlardan biriga aylandi, ammo aktyorning yoshligida qanday ko‘rinishga ega bo‘lganini ko‘pchilik eslolmaydi ham. Uning aktyorlik karyerasi asosan teatr bilan bog‘liq bo‘lib, kinoda unchalik omadi yurishmagan.
58 yoshli MakKellenning karyerasidagi burilish nuqtasi “Shogird” trilleridagi sobiq natsist roli bo‘ldi. Shundan so‘ng “Xudolar va yirtqich hayvonlar” filmi uchun “Oskar” nominatsiyasiga sazovor bo‘ldi. Va nihoyat, mashhurlik aktyorga Piter Jeksonning “Uzuklar hukmdori” trilogiyasidan keyin keldi. 2012-yilda u yana Gendalf sifatida “Hobbit: kutilmagan sayohat” filmida sahnaga qaytdi.
Aragorn — Viggo Mortensen
Viggo Mortensen “Uzuklar hukmdori”dan so‘ng karyerasini muvaffaqiyatli davom ettirdi. U “Ajoyib kapitan” va “Yashil kitob” kabi tanqidchilar tomonidan yuqori baholangan filmlarda suratga tushdi. 2020-yilda u rejissyor sifatida ilk marta “Qulash” nomli dramatik filmni yaratdi. 2024-yilda esa ikkinchi filmi — “O‘liklar og‘riq sezmaydi” nomli vesternni taqdim etdi.
Viggo she’r yozadi, rassomlik bilan shug‘ullanadi. U Perceval Press nashriyotiga asos solgan. Unda aktyorning she’rlari rasmlari chop etiladi. U ijodida xotira, madaniyat va tabiat mavzularini olib chiqadi.
Legolas — Orlando Blum
Legolas rolidan so‘ng Orlando Blum yana bir mashhur franshiza — “Karib dengizi qaroqchilari”da ishtirok etdi. U yerda u romantik va jasur Uill Tyorner obrazini yaratdi. Shu ikki rol aktyorning kino sahnasidagi uslubini belgilab berdi. 2000-yillar boshlarida u eng chiroyli insonlar ro‘yxatlariga kiritilgach, ko‘plab yirik kinostudiyalar tomonidan takliflar oldi.
Vaqt o‘tishi bilan Orlando ko‘proq mustaqil filmlarga o‘tdi. Shaxsiy hayotda esa u xonanda Keti Perri bilan 10 yilga yaqin munosabatda bo‘ldi. 2020-yilda ularning qizi Deyzi Dou Blum tug‘ildi. Ammo 2025-yil iyun oyi oxirida juftlik ajrashdi.
Izoh (0)