Ikki yillik turmush va deyarli bir yillik alohida hayotdan so‘ng Ben Afflek va Jennifer Lopes uzil-kesil xayrlashdi, ammo ular Beverli-Xillzdagi birgalikda xarid qilingan uyini hali ham sota olmadi.
Daily Mail nashrining manbalarga tayanib xabar berishicha, 52 yoshli aktyor Lopes bilan turmush qurgani haqidagi oxirgi eslatmadan qutulish uchun jiddiy moliyaviy yo‘qotishlarga tayyorligini bildirdi.
“Ben va Jey Lo allaqachon Beverli-Xillzdagi uy narxini o‘zlari to‘laganidan 8 million dollarga arzonlashtirgan, ammo Ben uchun bu arzimagan narsa”, deydi insayder. — U shunchaki o‘zini Jennifer bilan bog‘lab turgan so‘nggi ipni uzish uchun bu uyni tezroq sotishlarini xohlayapti.
Juftlik maydoni 3,5 ming kvadrat metr bo‘lgan uyni 2023-yilning may oyida 60,8 million dollarga sotib olgan. Crestview Manor nomi bilan tanilgan uyda 12 ta yotoqxona, 24 ta yuvinish xonasi, mehmonlar uchun pentxaus, qo‘riqchilar uyi, xodimlar uyi, 12 ta avtomobil uchun garaj, sport zali, bar, boks ringi, basketbol va piklbol maydonlari hamda 80 ta mashina uchun to‘xtash joyi mavjud.
Manbalarga ko‘ra, uy sotib olish dastlab er-xotin o‘rtasida nizo keltirib chiqargan. Avvalroq People jurnali ko‘chmas mulkni sotib olish Benning tashabbusi bo‘lgani, Jennifer esa “romantik, yevropacha uslub”ni afzal ko‘rgani haqida yozgan edi.
“Uy janjallar manbaiga aylandi, chunki Ben dastlab buncha pul sarflashni istamagan”, deya taʼkidlaydi Daily Mail manbasi. Munosabatlar uzilgach (ajrim hujjatlarida er-xotin 2024-yil 26-aprelda ajrashgani ko‘rsatilgan), ular uyni 65 million dollarga sotishga uringan, ammo muvaffaqiyatsizlikka uchragan. 2024-yil iyul oyida uy 68 million dollar evaziga ochiq savdoga qo‘yildi, biroq nyu jersilik potensial xaridor bilan 64 million dollarlik bitim ham barbod bo‘ldi.
Hozir narx 60 milliongacha tushirilgan, yaʼni boshlang‘ich qiymatidan 8 millionga past, bu taʼmirlashga sarflangan mablag‘larni hisobga olgan holda taxminan 855 ming dollar zarar degani. Shunga qaramay, Afflek, manbaga ko‘ra, hayotining bu bosqichini tezroq yakunlash uchun yanada ko‘proq yo‘qotishga tayyor: “U shunchaki xaridor topilishiga umid qiladi va bir necha million yo‘qotishga achinmaydi. Uning nikohi va ajralishi allaqachon unga millionlarga tushgan, demak, yana bir necha million — bu arzimas narsa. Ozodlik uchun arzimagan narx”, deyiladi manbada.
Ajrimdan so‘ng sobiq er-xotinning har biri hayotining yangi bobini boshladi. Afflek Los Anjelesdan bolalariga yaqinroq uyni sotib oldi. Lopes 2024-yil fevral oyida Hidden Hillsdagi otxona, kinoteatr va shaxsiy sport zali bo‘lgan hashamatli mulkni 21 million dollarga xarid qildi.
Izoh (0)