1981-yil 29-iyul kuni Diana Spenser Uels shahzodasi Charlzga turmushga chiqdi. Ularning nikohi boshidanoq barbod bo‘lishga mahkum edi. Qirollik to‘ylari, qimmatbaho taqinchoqlar va dabdabali interyerlarga qaramay, nafaqat bayram ishtirokchilarida, balki qirollik oila a’zolari ham bu nikohga norozi bo‘lgan edi. Quyida keltirilgan to‘rt nafar qirollik juftligi turlicha sabablar bilan tanqidlar va qarshiliklarga qaramay turmush qurgan.
Shahzoda Charlz va malika Diana
1981-yil 29-iyulda bo‘lib o‘tgan to‘y Buyuk Britaniya tarixdagi eng ko‘p muhokama qilingan qirollik nikohi bo‘ldi. O‘sha kuni butun dunyo yosh juftlikning tantanasini televizorlar orqali jonli efirda kuzatib borgan. Biroq bu nikoh boshidanoq ba’zilarga shubhali tuyulgan.
To‘yga qarshi bo‘lganlar orasida qirollik oilasining a’zolari bilan birga, kelinning o‘zi Diana ham bor edi. U qirollik hayotining qat’iy qoidalariga ko‘nikishda qiynalgan, o‘zini turmushga tayyor emasdek his qilgan. Yillar o‘tib, Charlz va Diana o‘rtasidagi munosabatlar ekranlarda ko‘ringanidek ideal emasligi ayon bo‘ldi. Ularning mojarolari va shahzodaning sadoqatsizligi qirollik ittifoqini barbod qildi. Bu to‘y esa tarixda manfaat asosida qurilgan, ammo iztirobli munosabatlarning ramziga aylandi.
Malika Margaret va Entoni Armstrong-Jons
Yelizaveta II ning singlisi malika Margaret 1960-yilda Entoni Armstrong-Jons bilan turmush qurdi. Ularning nikohi ham qirollik oilasida turli ziddiyatlarga sabab bo‘ldi. Bu ittifoq avval boshdanoq baxtli bo‘lishi bahsli edi, chunki Armstrong-Jons ajrashgan va zodagonlar oilasidan emas edi. Ommaviy axborot vositalari esa uni qirollik oilasiga kirgan birinchi “oddiy odam” deb atardi.
Shunga qaramay, Margaret va Armstrong-Jons turmush qurdi. Ammo ularning munosabatlari uzoqqa cho‘zilmadi: malika boshqa bir erkakni yoqtirib qoldi va natijada ular rasman ajrashdi.
Shahzoda Charlz va Kamilla
2005-yilda shahzoda Charlz Kamilla Parker-Boulz bilan nikohdan o‘tdi. Ushbu nikoh ham ko‘plab bahs-munozaralarga sabab bo‘ldi. Hatto qirolicha Yelizaveta ularning to‘y marosimda ishtirok etmadi. Kamilla va Charlz o‘rtasidagi munosabatlar hali Charlz Diana bilan turmush qurgunga qadar boshlangan, Charlz rafiqasiga ko‘p marta xiyonat qilgan edi. Shu sababli Kamilla doimo “ma’shuqa” tamg‘asi bilan yashab keldi.
Garchi bu munosabatlar hanuzgacha turli e’tirozlarga sabab bo‘lsa-da, Kamilla qirollik hayotining talablariga moslashdi. Deyarli 20 yillik turmushdan so‘ng u Angliya qirolichasiga aylandi.
Shahzoda Garri va Megan Markl
2018-yilda shahzoda Garri va amerikalik aktrisa Megan Markl o‘rtasidagi to‘y qirollik an’analaridan tubdan farq qilgan edi. Ular aralash urf-odatlar va qirollik protokolining chetlab o‘tilgan marosimlari uchun tanqidga uchradi.
Bu juftlik hanuzgacha bahs-munozaralarga sabab bo‘lmoqda. Ular qirollik oilasidan ajralib chiqqach, intervyu va kitoblarda saroydagi hayot haqida ochiqchasiga salbiy tafsilotlarni bayon etib kelmoqda.
Izoh (0)