2025-yil 26-may kuni Las Vegasdagi Fontainebleau mehmonxonasida navbatdagi American Music Awards taqdirlash marosimi bo‘lib o‘tdi. Marosimni mashhur xonanda Jennifer Lopes olib bordi va u kechani o‘zining 23 qo‘shiqdan iborat qo‘shiqlar to‘plami bilan ochib berdi.
Beyonse o‘zining “Cowboy Carter” nomli kantri albomi uchun ikkita mukofotni qo‘lga kiritdi, Post Malone kutilmaganda “Eng yaxshi kantri ijrochisi” nominatsiyasida g‘olib chiqdi, deb yozadi Variety.
Xonanda Billi Aylish yettita mukofotga sazovor bo‘lib, marosimning mutlaq g‘olibiga aylandi:
Eminem 15 yildan so‘ng ijodga qaytishini ikkita mukofot bilan nishonladi: xonanda “Eng yaxshi hip-hop albomi” (The Death of Slim Shady) va “Eng yaxshi hip-hop ijrochisi” nominatsiyalarida g‘olib chiqdi. Greysi Abrams “Yilning yangi artisti” bo‘ldi, Ledi Gaga va Bruno Mars esa “Eng yaxshi musiqiy klip” va “Yil hamkorligi” mukofotlarini qo‘lga kiritdi.
Icon mukofotiga sazovor bo‘lgan Janet Jekson yetti yil ichida birinchi marta televideniyeda chiqish qildi. U o‘zining mashhur kompozitsiyalarini ijro etdi va musiqa va fidoyilik haqida nutq so‘zladi.
“Musiqaga qo‘shgan ulkan hissasi uchun” mukofotini afsonaviy Rod Styuart oldi. O‘z nutqida u qo‘shiqchilik har doim uning asosiy motivatsiyasi bo‘lganini, hech qachon boylik va mansabga intilmaganini ta’kidladi. U kechani “Forever Young” qo‘shiq ijrosi bilan yakunladi.
Shuningdek, taqdirlash marosimiga tashrif buyurgan mehmonlar Bleyk Shelton, Leyni Uilson, Gven Stefani, Benson Bun, Rene Rapp, Gloriya Estefan, Aleks Uorren, Bekki Ji hamda Manuel Turizo ijrosidagi yangi va mashhur kompozitsiyalarni tingladi.
Izoh (0)