Toshkentda Rossiya estrada yulduzlari ishtirokidagi dabdabali to‘y marosimi bo‘lib o‘tdi. Ushbu to‘yga oid suratlar va videolar ijtimoiy tarmoqlarda tarqaldi va muhokamalarga sabab bo‘ldi.
To‘y egalarining ism-shariflari aniq ko‘rsatilmagani sababli tadbir homiylari noma’lumligicha qolmoqda.
Nikoh oqshomida Ivan Urgant va Kseniya Sobchak boshlovchilik qilgan. Sog‘lig‘idagi muammolarga qaramay, sahnada Filipp Kirkorov ham qo‘shiq kuylagan. Shuningdek, Zivert va Instasamka kabi mashhur san’atkorlar ham taklif qilingan.
Rossiya OAVning hisob-kitoblariga ko‘ra, to‘y byudjeti 50 million dollarni tashkil etgan. Filipp Kirkorov, Kseniya Sobchak, Ivan Urgant, Zivert, Instasamka, Navai kabi mashhurlar gonorarining o‘ziga 600 ming dollardan ko‘proq pul sarflangani aytilmoqda.
To‘yda ozarbayjonlik taniqli xonanda Roza Zergerli ham qo‘shiq kuyladi.
Izoh (0)