Yangi hayotning boshlanishi har doim quvonchli voqeadir, ayniqsa, bu voqea mashhur insonlarning hayotida yuz bergan bo‘lsa. 2025-yilda bir nechta taniqli aktyorlar ilk bor ota bo‘lish baxtiga muyassar bo‘lishdi yoki yana bir bor farzandli bo‘lishdi. Ulardan ba’zilari bu quvonchli yangilikni butun dunyo bilan bo‘lishgan bo‘lsa, boshqalari esa bolalarining shaxsiy hayotini ommadan himoya qilishni afzal ko‘rdi. Quyida 2025-yilda ota bo‘lgan mashhur erkaklar haqida qisqacha ma’lumot beramiz.
Vensan Kassel
Fransuz aktyori Vensan Kassel va uning rafiqasi Nara 2025-yilda farzandli bo‘lishdi. Biroq juftlik chaqaloqning suratlarini deyarli ko‘rsatmayapti. Hatto onasi bilan tushgan yagona fotoda ham bolaning yuzini yashirgan.
“Taxmin qiling-chi, 2025-yil 7-yanvarda kim tug‘ildi?… allaqachon aqlli, sog‘lom va mehrga to‘la bu bola dunyoning eng zo‘r erkagi bo‘ladi”, deb yozgan Vensan o‘z sahifasida.
Bu qisqagina izoh aktyorning farzandli bo‘lgani haqida bergan yagona bayonotidir.
Rupert Grint
“Garri Potter” filmlaridagi Ron Uizli roli orqali dunyo tanigan Rupert Grint ham yana bir muhim rolga — otalik maqomiga ega bo‘ldi. U o‘zining Instagram sahifasida chaqaloq bilan faqat bitta suratni joylashtirdi va unga shunday izoh berdi:
“Tanishing, bu Goldi Ji Grint. Bolajon bahosi 10/10.”
Oddiy va qisqa, ammo mehr bilan yozilgan bu so‘zlar ko‘pchilik muxlislarning yuragini eritdi. Rupert hozircha farzandi haqida batafsil gapirmayotgan bo‘lsa-da, muxlislar uni kelajakda sehrli maktabdagi ta’lim kutayotganini hazil bilan muhokama qilishmoqda.
Genri Kavill
Britaniyalik aktyor Genri Kavill “Argayl: superjosus” filmidagi roli bilan mashhurlikka erishdi. U o‘zining rafiqasi Natali Viskuzo bilan Sidneydagi sayr vaqtida paparatssilar tomonidan suratga tushirilganidan so‘nggina juftlik farzandli bo‘lgani ma’lum bo‘ldi.
“Men bundan juda hayajondaman. Natali bilan ikkovimiz ham juda hayajondamiz,”, degan edi Genri farzandi tug‘ilishidan biroz avval bergan intervyusida.
Zakari Livay
Aktyor Zakari Livay ijtimoiy tarmoqlarda eng faol ota bo‘lib chiqdi. U o‘zining farzandi Henson bilan bo‘lgan har bir lahzani quvonch bilan muxlislari bilan bo‘lishmoqda. Uning sahifasi chinakam “yosh ota blogi”ga aylangan.
“Bu bolani butun borlig‘im bilan sevaman. Menga va Meggiga ishonib topshirilgan bu ajoyib kichkina qalb uchun hamda otalik imkoniyati berilgani uchun juda minnatdorman. Bu murakkab, ammo mehrga to‘la ajoyib bir sayohatga o‘xshaydi, deb yozdi aktyor.
Izoh (0)