Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola qilamiz.
Bollivud yulduzi Priti Zinta hafta yakunini turmush o‘rtog‘i bilan maroqli o‘tkazib, tennis musobaqasini tomosha qilgani haqida post joyladi.
Kino va teatr aktrisasi Shohida Ismoilova turmush o‘rtog‘i Mahmud Ismoilov bilan nikoh oqshomidan olingan arxiv suratini muxlislari bilan bo‘lishdi. Ularning turmush qurganiga 40 yildan ortiq vaqt o‘tgan. Aktrisa turmush o‘rtog‘ining ayoli ekanidan faxrlanishini aytmoqda.
Mashhur rejissyor Rustam Sa’diyev yangi kartina ustida ish olib bormoqda. Filmda bosh rolni rossiyalik aktyor Farhod Mahmudov gavdalantirishi ma’lum bo‘ldi.
“Opa-singillar” seriali orqali tanilgan Diyora Arslonova turk yigitga turmushga chiqib, farzandli bo‘lib, Turkiyada yashab kelayotgan edi. 10 yil deganda turmush o‘rtog‘i uning orzusini amalga oshirdi — aktrisa oilasi bilan ona vatani O‘zbekistonga ko‘chib keldi.
-wQbdeY0K.avif)
Instabloger Maryam Tillayeva Parijdagi sayohati davomida obunachilari uchun suratlar va trend videolar joylab bormoqda.
Xonanda Afruza homilador bo‘lishiga qaramay, energiyaga to‘la va muxlislarining yaxshi kunida xizmat qilmoqda. U to‘y xizmatlariga asosan turmush o‘rtog‘i hamrohligida boradi.
Mahzun qo‘shiqlari orqali tezda tanilgan Jaloliddin Ahmadaliyev eski do‘stlari davrasini ham unutmaydi. U mashhurlikka erishishidan avval Farg‘onada etikdo‘z, usta bo‘lib ishlagani haqida yashirmaydi.
61 yoshli san’atkor Yulduz Usmonova chet elga sayohati davomida suv ostiga sho‘ng‘ish orzusini amalga oshirib, baliqlarni o‘z qo‘li bilan ushlab ko‘rdi.
Dzyudo bo‘yicha Olimpiada chempioni Diyora Keldiyorova 13-iyul kuni 27 yoshni qarshiladi. Sportchi bir yil ichida taqdiri o‘zgarib ketganini — o‘tgan yili shu vaqtda musobaqaga tayyorlangan bo‘lsa, bu yil onalik maqomiga erishish arafasida ekani haqida yozdi.
-359xq35D.avif)
47 yoshli xonanda Manzura va undan 20 yosh kichik aktyor Murod Yo‘ldoshevning sevgi qissasi ijtimoiy tarmoqlarda keng tarqalgan edi. Bir necha oydan buyon Manzura aktyor bilan birga ko‘rinish bergan videolarida to‘y mavzusi ko‘tarilgandi. Manzuraning “To‘y harakatidamiz” degan hazil aralash videolaridan so‘ng Murod Manzuraning qo‘lini so‘ragani aks etgan videolar ham Instagram sahifalariga joylashtirilgan.
Instagram foydalanuvchilari bu chiqishlar shunchaki piar bo‘lishi mumkinligini taxmin qilayotgan edi. Manzura va aktyor Murod Yo‘ldoshev o‘z sahifasiga video joylab, munosabatlariga oydinlik kiritdi.
Izoh (0)