“Formula 1” sport dramasida bosh rolni ijro etgan Bred Pitt filmning Londondagi premyerasida ishtirok etdi. Ammo kechaning eng katta syurprizi aktyorni qo‘llab-quvvatlash uchun Tom Kruzning tashrif buyurgani bo‘ldi, deb xabar berdi Daily Mail.
Kino sanoatining ikki yulduzi o‘rtasidagi bu uchrashuv muxlislarda nostalgiya xotiralarni uyg‘otdi. Ayniqsa, ular 1994-yilda suratga olingan “Vampir bilan intervyu” filmidagi rollarini yodga soldi. O‘sha film suratga olinganidan keyin ular qariyb 30 yil davomida muloqot qilmagan edi.
O‘tgan yili ular o‘rtasida yana ziddiyat bo‘lib o‘tgani haqida gap-so‘zlar paydo bo‘ldi. OAV ma’lumotlariga ko‘ra, aktyorlar Buyuk Britaniyadagi o‘z ta’sir doiralari uchun raqobatlashgan. Pitt “Formula 1” filmi uchun aynan shu yerda suratga tushayotgan edi. Kruz esa 2021-yildan beri Londonda yashaydi. Pitt uning hududida aholi diqqatini o‘ziga jalb qilishga urindi, deb hisoblangan.
Bundan tashqari, Pitt “Top Gan: Maverik”ni suratga olgan prodyuser Jerri Brukxaymer va rejissyor Jozef Kosinski bilan birga ishlab kelgan.
Endi muxlislar orasida ularni yana bir filmda birga ko‘rish umidi paydo bo‘ldi. Aktyorlarning o‘zlari ham bu ehtimolni istisno qilmayapti.
Izoh (0)