Taniqli aktyor bo‘lish uchun ism va familiya oson esda qolishi, boshqalarnikidan farqli bo‘lishi muhim. Shu sababli aktyor, qo‘shiqchi va blogerlar ko‘pincha taxallus ostida ijod qiladi.
Julianna Mur
Asl ismi — Juli Enn Smit
“Oskar” sovrindori Julianna Mur aktrisalik faoliyatining boshida aktyorlar gildiyasida uning ismi allaqachon borligini bilib qolgach, o‘ziga taxallus izlaydi. Chunki AQShda “Smit” familiyasi keng tarqalgan bo‘lib, yosh aktrisaning tanilishiga xalaqit qilishi mumkin edi.
Shu sababli Juli otasining familiyasi — Murni oladi. Onasining ismidan voz kechmaslik uchun esa o‘z ismi Juliga onasining ismini ham qo‘shadi. Shunday qilib, Julianna Mur taxallusi paydo bo‘ladi. U “Katta Lebovski”, “Gannibal”, “Bu telba muhabbat” kabi ko‘plab filmlar orqali tanilgan.
Vaynona Rayder
Asl ismi — Vaynona Lora Horovits
90-yillarning aktrisasi Tim Byortonning “Bitljus, Bitljus” filmi orqali yana mashhurlikka qaytdi. Aslida uning familiyasi Horovits edi, ammo faoliyatidagi birinchi filmi — Devid Zelserning “Lukas”ida ishtirok etish uchun kastinnga kelganida o‘zini boshqa ism bilan tanishtiradi.
Keyinchalik Vaynona bu familiyani tasodifan tanlaganini so‘zlab bergan: kasting uchun rejissyor bilan suhbat vaqtida Mitch Rayder musiqasi yangrab turgan va bo‘lajak aktrisa shoshilinch tarzda o‘ziga yangi ism qo‘ygan.
Jeymi Foks
Asl ismi — Erik Marlon Bishop
“Rey” filmidagi Rey Charlz obrazi uchun “Oskar” olgan bu aktyor aslida faoliyatini stendapdan boshlagan. O‘sha vaqtda ayol komiklar juda kam bo‘lgani uchun avvalo ular birinchi bo‘lib sahnaga chiqishgan. Jeymi esa navbat kutib qolmaslik uchun ayolga ham, erkakka ham birdek mos keladigan neytral ism — Jeymi Foksni tanlashga qaror qilgan.
Vupi Goldberg
Asl ismi — Kerin Eleyn Jonson
Taniqli aktrisa va komediya ustasi Vupi Goldbergning asl ismi Keren Eleyn Jonson. Vupi nomi “Whoopee Cushion” — kulgili ovoz chiqaruvchi yostiqcha) so‘zidan olingan. Yoshligida u juda sho‘x va hazilkash bo‘lgani uchun do‘stlari unga shu laqabni qo‘yishgan. Goldberg familiyasi esa uning onasiga tegishli.
Dayan Kiton
Asl ismi — Dayan Holl
“Cho‘qintirilgan ota”, “Manxetten” va “Yosh ota” filmlari yulduzi Dayan Kiton bu onasining qizlik familiyasi bilan ijod qiladi, chunki Gollivudda Dayan Xoll ismi bilan boshqa aktrisa allaqachon ro‘yxatdan o‘tgan.
Biroq keyinchalik u asl familiyasini qayta ishlatadi. U Vudi Allenning “Enni Xoll” filmida bosh rolni o‘ynaydi. Bu rol unga 1978-yilda “Oskar” olib keladi.
Martin Shin
Asl ismi — Ramon Xerardo Antonio Esteves
“Qo‘lingdan kelsa, tutib ol”, “Apokalipsis” filmlari yulduzi Martin Shin taxallusini mashhur arxiyepiskop Fulton Shin sharafiga olgan. Esteves o‘zining haqiqiy ismi bilan chiqishka jur’ati yetmaganidan doim afsuslangan. Uning o‘g‘li Karlos Irvin Esteves ham aktyorlikni tanladi va otasining taxallusini moslashtirib oldi. Shunday Ammo Charli Shin otasidan farqli o‘laroq hech qachon bu tanlovidan afsuslanmagan.
Izoh (0)