Turk seriallari ishqibozlari sevimli aktyorlarining har bir qadamini diqqat bilan kuzatadi. Hatto ularning karyerasida hech qanday yangilik bo‘lmasa ham, shaxsiy hayoti doim ommaning diqqat markazida bo‘ladi. Har qanday noto‘g‘ri aytilgan so‘z, kiyim uslubi, parhez, farzandlarga munosabat, soch turmagi — bularning bari muxlislar va matbuot e‘tiborida bo‘ladi. Quyida eng ko‘p muhokama qilinadigan turk kino yulduzlari haqida so‘z boradi.
1. Halit Ergench
“Muhtasham yuz yil” seriali orqali butun dunyoda mashhur bo‘lgan aktyor Halit Ergench 2013-yildan buyon siyosiy tus olgan mojaroning ishtirokchisiga aylangan. Istanbuldagi parkda daraxtlarning kesilishiga qarshi chiqqan norozilik namoyishlari oxir-oqibat siyosiy shiorlar va politsiya bilan to‘qnashuvlarga aylanib ketdi. Halit ushbu voqealarda ishtirok etgan, degan gumon bilan sudga chaqirildi.
Halit o‘zining Mehmet Ali Alabora bilan aloqasi yo‘qligini aytgan bo‘lsa-da, tergovchilar ularning yozishmalari va birgalikdagi suratlarini taqdim etdi. Natijada Ergench yolg‘on guvohlik bergani uchun aybdor deb topilib, 1 yil 10 oy muddatga shartli ravishda ozodlikdan mahrum qilindi. Uning advokatlari esa bu hukm ustidan shikoyat qilishga tayyorlanmoqda.
2. Kivanch Tatlitug‘
“Taqiqlangan muhabbat” seriali yulduzi Kivanch Tatlitug‘ minglab muxlislar mehrini qozongan bo‘lsa-da, ayni paytda tanqidchilardan ham holi emas. Bir necha yil avval Ispaniyaga safari chog‘ida aktyor Jan Yaman bilan solishtirilib, ularning mashhurligi haqida ommaviy bahslar boshlangan. Yaman o‘z intervyusida Ispaniyada Tatlitug’dan ko‘ra mashhurroqman, degan mazmundagi fikr bildirgan va bu tanqidlarga sabab bo‘lgan.
Keyinchalik esa Kivanch turmush o‘rtog‘i Bashak Dizer bilan bo‘lgan munosabati sabab tanqidga uchradi. Ayol aktyordan 6 yosh katta bo‘lgani uchun ularning nikohi “soxta” deb ataldi. Hatto uning homiladorligiga ham ishonilmay, bu “spektakl” deb baholandi. Faqatgina o‘g‘li dunyoga kelib, oilaviy suratlar tarqalganidan keyin vaziyat biroz tinchidi.
3. Burak O‘zchivit
Burak O‘zchivit nafaqat aktyorlik mahorati, balki shaxsiy hayotidagi turli mojarolar bilan ham tanilgan. “Hukmdor Usmon” serialidagi suratga olish ishlari chog‘ida u hamkasblarga nisbatan qo‘pol so‘zlar ishlatgani uchun sudga berilgan. Shuningdek, aktyor Engin Altan bilan ham janjallashgan. Altan uning aktyorlik salohiyatini past baholaganidan keyin ular aloqani uzgan.
Ommaviy axborot vositalari uni ikkiyuzlamachilikda ayblab, faoliyatining eng gullagan nuqtasida bo‘lganida muxlislarning undan charchaganini bildirgan. O‘zchivit deyarli hamma joyda ko‘rinish berar, reklama, seriallar, ijtimoiy tadbirlar va yangiliklarda uning suratlariga to‘la edi. Aktyor boyligini yashirmasligi ham tanqid doim tanqid ostiga olingan.
4. Maryam Uzerli
“Muhtasham yuz yil” serialidagi Roksolana roli bilan mashhur bo‘lgan Maryam Uzerli kutilmaganda serialni tark etganidan so‘ng katta mojaro markazida qolgan. U Berlinga uchib ketgan va serial ijodkorlari bilan bog‘lanmay qo‘ygan. Keyinchalik u homilador bo‘lgani va kuchli hissiy charchoq sabab bu qarorni qabul qilganini aytgan. Prodyuser Timur Savji uni qaytarishga rozi bo‘lmagan.
Aktrisaning keyingi rollari avvalgi yutug‘ini ortda qoldirmagan bo‘lsa-da, Uzerli asta-sekin faoliyatini tiklay boshladi. Uning ikki farzandi bor. Mish-mishlarga ko‘ra, u taqiqlangan xizmatlar orqali daromad topadi, biroq aktrisa bu gaplarni inkor etib, faqat san’at bilan shug‘ullanayotganini ta’kidlaydi.
5. Chag‘atoy Ulusoy
“Ashrafning orzusi” seriali orqali tanilgan Chag‘atoy Ulusoy ommaviy axborot vositalaridan yiroq yurishga harakat qiladi. Shunga qaramay, u ham bir nechta mojarolardan chetda qolmagan. U narkotik moddalar iste’moli sabab 4 yilga ozodlikdan mahrum etilgan, biroq shikoyat arizasi asosida faqat 10 oy qamoqda o‘tirgan.
6. Demet O‘zdemir
Romantik komediyalarning sevimli yulduzi Demet O‘zdemir shaxsiy hayoti sabab tez-tez muhokamada bo‘ladi. “To‘rg‘ay” seriali suratga olinayotgan paytda uning Jan Yaman bilan munosabatda bo‘lgani haqida mish-mishlar tarqalgan. Ammo ular bu munosabatlarni PR deb atashgan. Shuningdek, aktrisa Hande Erchel va Kerem Bursinning ajralishiga sababchi bo‘lgani aytilgan.
Demet keyinchalik musiqachi O‘g‘uzxan Koch bilan turmush qurdi, ammo oradan bir yil o‘tib ajrashishdi. Muxlislar bunga sabab qilib Demetning giyohvandlikka ruju qo‘yganini yoki erining xiyonatini ko‘rsatishgan, ammo aktrisa bunga rasmiy munosabat bildirmagan.
7. Hande Erchel
“Qalbim eshigini qoq” seriali yulduzi Hande Erchel ham ko‘p marta tanqid ostida qolgan. Avval Kerem Bursindan ajralganidan so‘ng “turmush qurish imkoniyatini qo‘ldan boy bergani” aytilgan. Keyinchalik Kaan Yildirim bilan tezda munosabat boshlagani ham muxlislar tomonidan to‘g‘ri qabul qilinmagan.
U o‘zining tashqi ko‘rinishi sabab ham tanqidga uchragan: avval semizligi, keyin esa haddan tashqari ozib ketgani uchun muxlislar doim norozi bo‘lgan. Hozirda u Hakan Sabanji bilan munosabatda va bu ham tanqidga sabab bo‘lmoqda, chunki Hakan boy oilaning merosxo‘ri va “ayollarga hushomadgo‘y” sifatida tanilgan.
8. Afra Saracho‘g‘lu
“Qo‘rg‘on sirlari” serialining yulduzi Afra Saracho‘g‘lu sun’iy ravishda mojarolar markaziga kelib qolgan. Mert Ramazan Demir bir barmog‘ini bolalarga zo‘ravonlikka qarshi ramz sifatida ko‘k rangga bo‘yaganida, Afra bunga e’tiroz bildirgani haqida xabarlar tarqalgan, ammo bu ma’lumotlar qayerdan chiqqani noma’lum.
Afra va Demir o‘rtasidagi munosabatlar ham turli taxminlarga sabab bo‘lgan. Ko‘pchilik bu munosabatlarni PR deb baholagan.
9. Mert Ramazon Demir
Afra Saracho‘g‘lu bilan munosabatlari sabab Mert Ramozan Demir aktyor Kubilay Aka tomonidan jismoniy tajovuzga uchragan. Ularning o‘rtasidagi yaqinlik, go‘yoki, uchinchi shaxs — Mert Yazichio‘g‘luning his-tuyg‘ulariga salbiy ta’sir qilgan. Demir ishtirokidagi “Qo‘rg‘on sirlari” serialining ssenariysi muxlislar talabiga ko‘ra o‘zgargan va bu holat aktyorning noroziligiga sabab bo‘lgan. Aytilishicha, u loyihani tark etmoqchi bo‘lgan, ammo bu bahslar tinch yo‘l bilan hal etilgan.
Izoh (0)