Jahon estradasi yulduzi Rianna oilasida musibat yuz berdi. 31-may kuni Los Anjelesda uning otasi Ronald Fenti vafot etdi. U 70 yoshda edi.
Qayd etilishicha, Fenti uzoq vaqt davom etgan xastalikdan so‘ng vafot etgan. U tibbiy markazda davolanayotgan edi. Xonanda ukasi bilan bir necha marta otasini ko‘rishga borgan.
Ayni paytda marhum bilan vidolashish va uning xotirasiga hurmat bajo keltirish uchun oila a’zolari Kaliforniyaga yig‘ilgan.
Riannaning otasi bilan munosabatlari murakkab bo‘lsa-da, uning o‘limi hozirda uchinchi farzandiga homilador bo‘lgan qo‘shiqchi uchun ruhiy zarba bo‘ldi.
Ma’lumki, Rianna bolaligida otasining spirtli ichimliklar va giyohvand moddalarga qaramligi, shuningdek, oiladagi zo‘ravonlik tufayli og‘ir damlarni boshdan kechirgan. 2019-yilda xonanda hatto Ronaldni Fenty brendidan noqonuniy foydalangani uchun sudga bergan, ammo 2021-yilda mojaro tinch yo‘l bilan hal bo‘lgan.
Og‘riqli o‘tmishiga qaramay, Rianna otasini kechira olgani va unga bo‘lgan muhabbatini saqlab qolganini bir necha bor aytgan.
Izoh (0)