Taniqli aktyor bo‘lish uchun ism va familiya oson esda qolishi, boshqalarnikidan farqli bo‘lishi muhim. Shu sababli aktyor, qo‘shiqchi va blogerlar ko‘pincha taxallus ostida ijod qiladi.
Mayli Sayrus — Destini Houp Sayrus
Sayrusning ota-onasi qiziga go‘zal ism — Destini Houp (Umid taqdiri) bergan. Biroq uning doim tabassum qiladigan va ochiq yuzli tabiati sababli uni Mayli deb chaqirishgan. Bu ingliz tilidagi “Smiley” so‘zidan olingan bo‘lib, “tabassum qiluvchi” degan ma’noni anglatadi. Bu taxallus juda ommalashgani va yulduzga juda yoqib qolgani sababli u oxir-oqibat pasportida ham ismini o‘zgartirib oldi.
Freddi Merkyuri — Farrux Bulsara
Afsonaning haqiqiy ismi — Farrux Bulsara. Freddi laqabi bolaligidan bor, u o‘zini shunday atardi. Chunki kattaroq tishlari tufayli do‘stlari uni haqorat qilganida shunday javob bergan. Merkyuri laqabi esa biroz keyin paydo bo‘ldi. Uning nima uchun aynan shunday nom olgani haqida bir nechta taxminlar bor. Eng ko‘p tarqalgan fikrga ko‘ra, bu san’atkorning astrologiyaga qiziqishi bilan bog‘liq. Yillar o‘tib, vokalist ismini rasmiy tarzda o‘zgartirishga qaror qildi.
Riz Uizerspun — Lora Jin
Gollivudning asosiy mallasoch xonimi bo‘lishiga qaramay, u juda chiroyli, esda qoladigan ismga ega edi — Lora Jin. Lekin aktyorlik faoliyatining boshida u onasining qizligidagi familiyasini — Rizni taxallus sifatida oldi. Butun dunyo uni aynan shu taxallus bilan tanisa-da, oddiy hayotda u ko‘pincha asl ismini ishlatadi.
Demi Mur — Demetriya Jin Gaynes
Demi Murni — yangi ismni butunlay tasodifan olgan kam sonli yulduzlardan biri deyish mumkin. Demi — Demetriyaning qisqartmasi. U sobiq eri Freddi Murning familiyasini oldi. Prodyuserlar aktrisani ajrashgandan keyin qizligidagi familiyasiga qaytmaslikka ko‘ndirdi.
Jennifer Eniston — Jennifer Anastassakis
“Do‘stlar” serialidagi Reychel taxallus olishni istamagan, chunki uning mashhurligi oldindan kutilmagan edi. Aktrisaning asl familiyasi juda murakkab edi. Shuning uchun uning ismi televizorda tilga olinishi oson bo‘lishi kerak. Bundan tashqari, uning otasi — aktyor Jon Eniston, o‘sha paytlarda allaqachon familiyaning mashhurligiga o‘z hissasini qo‘shgan.
Vin Dizel — Mark Sinkler Vinsent
“Forsaj” yulduzining yoshlik davri shunchalik shovqin-suronli bo‘lganki, uning laqabi keyinchalik taxallusga aylandi va har joyda ishlatila boshlandi. Asl ismi juda uzun bo‘lgani uchun uni Vin deb atashgan. Dizel esa uning “to‘fon” kabi energiyasiga ishora qilgan.
Jeki Chan — Chan Kong San
Uning ko‘plab laqablari va ismlari bo‘lgan, lekin aktyorning haqiqiy ismi Chan Kong San. Shunday murakkab ism bilan jahon shon-shuhratiga erishish qiyin edi. Dastlab onasi uni Pao-Pao deb chaqirgan. Keyin kaskadyorlar maktabida unga Chen Yen Lun laqabi berilgan. Uning bo‘yi kichikroq bo‘lgani sababli uni ko‘pincha Jeki deb atashgan, bu so‘z “kichik” degan ma’noni bildiradi. Shu tarzda uning taxallusi paydo bo‘lgan.
Keti Perri — Ketrin Hadson
Keti aslida Ketrin Hadson ismi bilan tug‘ilgan. U Los Anjelesga ko‘chib o‘tganidan keyin ismini o‘zgartirdi. Chunki uni aktrisa Keyt Hadson bilan adashtirib yubormaslik uchun shunday qildi. U onasining qizligidagi familiyasini oldi va dunyo tanigan, sevgan Keti Perriga aylandi. Lekin buning ortidan yangi muammolar ham paydo bo‘ldi: dizayner Keti Perri o‘xshash ism sabab uni sudga berishga qaror qildi.
Izoh (0)